Zoom Call: ಕಮಲಾ ಪರ ದಾಖಲೆಯ ಪ್ರಚಾರ!

ವಾಷಿಂಗ್ಟನ್‌: ಅಮೆರಿಕ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್‌ ಅವರಿಗೆ ಝೂಮ್‌ ಕಾಲ್‌ನಲ್ಲಿ ದಾಖಲೆ ಮಟ್ಟದ ಪ್ರಚಾರ ದೊರಕಿದೆ. ಮಾಜಿ ಅಧ್ಯಕ್ಷ ಒಬಾಮಾ ದಂಪತಿ ಕಮಲಾಗೆ ಬೆಂಬಲಿಸಿದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ.

“ವೈಟ್‌ ವಿಮೆನ್‌: ಆನ್ಸರ್‌ ದ ಕಾಲ್‌’ ಎಂಬ ಝೂಮ್‌ ಕರೆಗೆ ಓಗೊಟ್ಟ 1.64 ಲಕ್ಷ ಮಹಿಳೆಯರು ಬೆಂಬಲ ಸೂಚಿಸಿದ್ದಾರೆ. ಇದು ಝೂಮ್‌ನಲ್ಲಿನ ದಾಖಲೆಯ ಕರೆಯಾಗಿದ್ದು, ಒಂದು ಹಂತದಲ್ಲಿ ಝೂಮ್‌ ಸಿಸ್ಟಮ್‌ ಕ್ರ್ಯಾಷ್‌ ಆಗಿದೆ. 90 ನಿಮಿಷದಲ್ಲೇ 20 ಕೋಟಿ ರೂ. ದೇಣಿಗೆ ಸಂಗ್ರಹಿಸಲಾಗಿದೆ.
ಪ್ರಭಾವಿಗಳ ಬೆಂಬಲ: ಪಾಪ್‌ ಸ್ಟಾರ್‌ ಪಿಂಕ್‌, ನಟಿ ಕಾನಿ ಬ್ರಿಟನ್‌ ಸೇರಿದಂತೆ ಹಲವು ಪ್ರಭಾವಿ ಮಹಿಳೆಯರು ಭಾಗಿಯಾಗಿ ಕಮಲಾ ಹ್ಯಾರಿಸ್‌ ಪರ ಪ್ರಚಾರ ಮಾಡಿದರು.

ಕಮಲಾ ಯಹೂದಿ ವಿರೋಧಿ: ಟ್ರಂಪ್‌
ಕಮಲಾ ಯಹೂದಿಗಳ ವಿರೋಧಿ ಯಾಗಿದ್ದು ನವಜಾತ ಶಿಶುಗಳ ಮಾರಣ ಹೋಮಕ್ಕೆ ಯೋಜಿಸಿ ದ್ದಾರೆ ಎಂದು ಟ್ರಂಪ್‌ ಆರೋಪಿಸಿ ದ್ದಾರೆ. ಕಮಲಾ ಯಹೂದಿ ವ್ಯಕ್ತಿಯನ್ನು ಮದುವೆಯಾಗಿದ್ದು, ಟ್ರಂಪ್‌ ಅವರ ಆರೋಪ ಅವರಿಗೆ ಹಿನ್ನಡೆಯಾಗುವ ಸಾಧ್ಯತೆಗಳಿವೆ ಎಂದು ವರದಿಗಳು ತಿಳಿಸಿವೆ.