Zomato ಇನ್ನುಮುಂದೆ ಆಹಾರ ಡೆಲಿವರಿ ದುಬಾರಿ

ಹೊಸದಿಲ್ಲಿ: ಇನ್ನು ಮುಂದೆ ಜೊಮ್ಯಾಟೊ ಮೂಲಕ ನೀವು ಆಹಾರ ಆರ್ಡರ್‌ ಮಾಡಿದರೆ ಬೆಲೆ ಕೊಂಚ ಹೆಚ್ಚಾಗಲಿದೆ. ಆನ್‌ಲೈನ್‌ ಆಹಾರ ವಿತರಕ ಕಂಪೆನಿ ಜೊಮ್ಯಾಟೊ, ಶುಲ್ಕ ವನ್ನು ಶೇ.25ರಷ್ಟು ಏರಿಕೆ ಮಾಡಿದೆ. ಇನ್ನು ಮುಂದೆ ಪ್ರತೀ ಆರ್ಡರ್‌ಗೆ ಫ್ಲಾಟ್‌ಫಾರ್ಮ್ ಶುಲ್ಕವಾಗಿ 5 ರೂ. ವಿಧಿಸಲಿದೆ. ಕಳೆದ ವರ್ಷ ಆಗಸ್ಟ್‌ನಲ್ಲಿ ಮೊದಲ ಬಾರಿಗೆ ಫ್ಲಾಟ್‌ಫಾರ್ಮ್ ಶುಲ್ಕ ವಿಧಿಸುವುದನ್ನು ಆರಂಭಿಸಿದ ಜೊಮ್ಯಾಟೊ, ಪ್ರತಿತೀ ಆರ್ಡರ್‌ಗೆ 2 ರೂ. ವಸೂಲಿ ಮಾಡಿತ್ತು. ಅನಂತರ ಇದನ್ನು 3 ರೂ.ಗೆ ಏರಿಕೆ ಮಾಡಿತ್ತು. ಬಳಿಕ ಈ ವರ್ಷದ ಜನವರಿಯಲ್ಲಿ 4 ರೂ.ಗೆ ಹೆಚ್ಚಿಸಿತ್ತು. ಇದೀಗ ಪುನಃ ಏರಿಕೆ ಮಾಡಿದೆ.