ಐಪಿಎಲ್‌ಗೆ ಧೋನಿ ಮಗಳು ಜೀವಾ ಸಿದ್ಧತೆ!

ಹೊಸದಿಲ್ಲಿ: ಪ್ರತಿಷ್ಠಿತ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ಗೆ ವಿವಿಧ ಫ್ರಾಂಚೈಸಿಗಳ ಆಟಗಾರರು ಸಿದ್ಧತೆ ನಡೆಸುತ್ತಿರುವುದು ಸಹಜ. ಆದರೆ ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಮಗಳು ಕೂಡ ಐಪಿಎಲ್‌ಗೆ ಸಿದ್ಧತೆ ನಡೆಸುತ್ತಿದ್ದಾಳೆ ಎಂಬುದು ಅಚ್ಚರಿಯ ಸುದ್ದಿ!

ಧೋನಿ ಮಗಳು ಜೀವಾಗೆ ಈಗ 2 ವರ್ಷ 1 ತಿಂಗಳು. ಐಪಿಎಲ್‌ ಸಮಯದಲ್ಲಿ ಧೋನಿ ಜತೆ ಪತ್ನಿ ಸಾಕ್ಷಿ ಮತ್ತು ಮಗಳು ಜೀವಾ ಕೂಡ ಪ್ರಯಾಣ ಬೆಳೆಸುತ್ತಾರೆ. ಹೀಗಾಗಿ ಜೀವಾಗೆ ಈಗಾಗಲೇ ದೇಶದ ವಿವಿಧ ನಗರಗಳ ಹೆಸರನ್ನು ಸಾಕ್ಷಿ ಹೇಳಿಸುತ್ತಿದ್ದಾರೆ. ಈ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿದ್ದು, ಇದರಲ್ಲಿ ಹೊಸದಿಲ್ಲಿ, ಕೋಲ್ಕತಾ, ಚೆನ್ನೈ, ಬೆಂಗಳೂರು, ಮುಂಬಯಿ ಮತ್ತು ಹೈದರಾಬಾದ್‌ ಹೆಸರನ್ನು ಜೀವಾ ಉಚ್ಚಾರ ಮಾಡಿದ್ದಾಳೆ. ಐಪಿಎಲ್‌ನಲ್ಲಿ ಧೋನಿ ತಂಡವನ್ನು ಬೆಂಬಲಿಸಲು ಸಾಕ್ಷಿ ತನ್ನ ಮಗಳಿಗೆ ವಿವಿಧ ನಗರಗಳ ಹೆಸರನ್ನು ಹೇಳಿ ಕೊಡುತ್ತಿದ್ದಾರೆ ಎನ್ನಲಾಗಿದೆ.