ಕರಾಚಿ: ಕಳೆದ ದಿನಗಳ ಹಿಂದಷ್ಟೇ ಟಿಕ್‌ ಟಾಕ್‌ ಸ್ಟಾರ್‌ (TikTok star) ಒಬ್ಬಳ ಖಾಸಗಿ ವಿಡಿಯೋ (Private Video) ವೈರಲ್ ಆಗಿದ್ದ ಸುದ್ದಿಯೊಂದು ಹರಿದಾಡಿತ್ತು. ಇದೀಗ ಮತ್ತೊಬ್ಬರ ಇದೇ ರೀತಿಯ ವಿಡಿಯೋ ಲೀಕ್ ಆಗಿದೆ ಎಂದು ವರದಿಯಾಗಿದೆ.
ಇತ್ತೀಚೆಗಷ್ಟೇ ಪಾಕಿಸ್ತಾನದ 23 ವರ್ಷದ ಟಿಕ್ಟಾಕ್ ತಾರೆ ಇಮ್ಶಾ ರೆಹಮಾನ್ (Imsha Rehman) ಅವರದ್ದು ಎನ್ನಲಾದ ಖಾಸಗಿ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದೆ. ಪರಿಣಾಮ ಮುಜುಗರಕ್ಕೆ ಒಳಗಾದ ಇಮ್ಶಾ ತಮ್ಮ ಟಿಕ್‌ ಟಾಕ್‌ ಹಾಗೂ ಸೋಶಿಯಲ್‌ ಮೀಡಿಯಾ ಖಾತೆಯನ್ನು ನಿಷ್ಕ್ರಿಯಗೊಳಿಸಿದ್ದರು.
ಇದೀಗ ಇದೇ ರೀತಿ ಮತ್ತೊಬ್ಬ ಖ್ಯಾತ ಪಾಕ್‌ ಸೋಶಿಯಲ್‌ ಮೀಡಿಯಾ ತಾರೆ ಮಥಿರಾ ಮೊಹಮ್ಮದ್ (Mathira Mohammad) ಅವರದ್ದು ಎಂದು ಹೇಳಲಾಗುತ್ತಿರುವ ಖಾಸಗಿ ಕ್ಷಣದ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಲೀಕ್ ಆಗಿದೆ.
ಖಾಸಗಿ ಕ್ಷಣದ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಲಾಗಿದ್ದು, ಇದು ಮಥಿರಾ ಅವರ ವಿಡಿಯೋವೆಂದು ಹೇಳಿ ಲೀಕ್ ಮಾಡಲಾಗಿದೆ.
ಈ ಸಂಬಂಧ ವಿಡಿಯೋಗಳು ವೈರಲ್ ಆಗುತ್ತಿದ್ದಂತೆ ಮಥಿರಾ ಅವರು ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.
“ಜನರು ನನ್ನ ಹೆಸರು ಮತ್ತು ನನ್ನ ಫೋಟೋಶೂಟ್ ಚಿತ್ರಗಳನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ನಕಲಿ ವಿಷಯವನ್ನು ಸೇರಿಸುತ್ತಿದ್ದಾರೆ. ಇಂಥದ್ದನ್ನು ಮಾಡುವುದಕ್ಕೆ ನಾಚಿಕೆ ಆಗುವುದಿಲ್ಲವೇ. ಇಂಥ ಅಸಂಬದ್ಧ ವಿಚಾರದಿಂದ ನನ್ನನ್ನು ದೂರವಿಡಿ” ಎಂದು ʼಎಕ್ಸ್‌ʼನಲ್ಲಿ ಬರೆದುಕೊಂಡಿದ್ದಾರೆ.
32 ವರ್ಷದ ಮಥಿರಾ ಪಾಕಿಸ್ತಾನದಲ್ಲಿ ಟಿವಿ ನಿರೂಪಕಿ, ಸೋಶಿಯಲ್‌ ಮೀಡಿಯಾ ಪ್ರಭಾವಿ, ಮಾಡೆಲ್, ಡ್ಯಾನ್ಸರ್ ಗಾಯಕಿ ಮತ್ತು ನಟಿಯಾಗಿ ಗುರುತಿಸಿಕೊಂಡಿದ್ದಾರೆ.
2.5 ಮಿಲಿಯನ್‌ಗಿಂತಲೂ ಹೆಚ್ಚು ಇನ್ಸ್ಟಾಗ್ರಾಮ್‌ ಫಾಲೋವರ್ಸ ಹಾಗೂ ಅನುಯಾಯಿಗಳನ್ನು ʼXʼ ನಲ್ಲಿ 59,000 ಫಾಲೋವರ್ಸ್‌ಗಳನ್ನು ಹೊಂದಿದ್ದಾರೆ.
