ಡಿವೈ ಪಾಟೀಲ್‌ ಟ್ವೆಂಟಿ-20 ಕೂಟದಲ್ಲಿ ಆಡಲಿರುವ ಯುವರಾಜ್‌

ಮುಂಬಯಿ: ಭಾರತೀಯ ಏಕದಿನ ತಂಡದಿಂದ ಹೊರಬಿದ್ದಿರುವ ಯುವರಾಜ್‌ ಸಿಂಗ್‌ ಮತ್ತು ಸುರೇಶ್‌ ರೈನಾ ಅವರು ಜ. 4ರಿಂದ 15ರ ವರೆಗೆ ಡಿವೈ ಪಾಟೀಲ್‌ ಕ್ರೀಡಾ ಅಕಾಡೆಮಿಯಲ್ಲಿ ನಡೆಯಲಿರುವ 13ನೇ ಡಿವೈ ಪಾಟೀಲ್‌ ಟ್ವೆಂಟಿ-20 ಕ್ರಿಕೆಟ್‌ ಕೂಟದಲ್ಲಿ ಭಾಗವಹಿಸಲಿದ್ದಾರೆ. ಅವರಲ್ಲದೇ ಇನ್ನೂ ಕೆಲವು ಪ್ರಮುಖ ಕ್ರಿಕೆಟಿಗರು ಈ ಕೂಟದಲ್ಲಿ ಆಡಲಿದ್ದಾರೆ.

15 ಲಕ್ಷ ರೂ. ಬಹುಮಾನ ನಿಧಿಯ ಈ  ಕೂಟದಲ್ಲಿ 16 ತಂಡಗಳು ಭಾಗವಹಿಸಲಿವೆ. ನಾಕೌಟ್‌ ಹಂತದ 7 ಪಂದ್ಯಗಳ ಸಹಿತ ಒಟ್ಟು 31 ಪಂದ್ಯಗಳು ನಡೆಯಲಿವೆ. ಓಎನ್‌ಜಿಸಿ, ರಿಲಾಯನ್ಸ್‌ ವನ್‌, ಟಾಟಾ ನ್ಪೋರ್ಟ್ಸ್ ಕ್ಲಬ್‌, ಕೆನರಾ ಬ್ಯಾಂಕ್‌, ಏರ್‌ ಇಂಡಿಯಾ ಈ ಕೂಟದಲ್ಲಿ ಭಾಗವಹಿಸಲಿರುವ ಪ್ರಮುಖ ತಂಡಗಳಾಗಿವೆ.