ಮಾಲ್ಡೀವ್ಸ್‌  ವಿರುದ್ಧ ಯುವಿ ರಿವರ್ಸ್‌ ಸ್ವೀಪ್‌ ಸಿಕ್ಸರ್‌

ಮೊಹಾಲಿ: ಖ್ಯಾತ ಕ್ರಿಕೆಟಿಗ ಯುವರಾಜ್‌ ಸಿಂಗ್‌ ಮತ್ತೆ ಸುದ್ದಿಯಾಗಿದ್ದಾರೆ. ಮಾಲ್ಡೀವ್ಸ್‌- ಭಾರತ ನಡುವಿನ ಸೌಹಾರ್ದ ಕ್ರಿಕೆಟ್‌ ಸರಣಿಯಲ್ಲಿ ಯುವಿ ತಮ್ಮ ತಾಕತ್ತು ಮೆರೆದಿದ್ದಾರೆ. 

ಮಾಲೆಯಲ್ಲಿ ನಡೆದ ಪಂದ್ಯದಲ್ಲಿ ಏರ್‌ ಇಂಡಿಯಾ ತಂಡವನ್ನು ಪ್ರತಿನಿಧಿಸಿದ್ದ ಯುವಿ ಬ್ಯಾಟಿಂಗ್‌ ಮೂಲಕ ಗಮನ ಸೆಳೆದಿದ್ದಾರೆ. ಅದರಲ್ಲೂ ರಿವರ್ಸ್‌ ಸ್ವೀಪ್‌ ಮೂಲಕ ಸಿಕ್ಸರ್‌ ಹೊಡೆದ ವಿಡಿಯೊ ವೈರಲ್‌ ಆಗಿದೆ. ಯುವರಾಜ್‌ ಕಳಪೆ ಫಾರ್ಮ್ನಿಂದ ಭಾರತ ತಂಡದಲ್ಲಿ ಸ್ಥಾನ ಪಡೆಯಲು ವಿಫ‌ಲರಾಗಿದ್ದರು.

ಐಪಿಎಲ್‌ನಲ್ಲೂ ಇವರನ್ನು ಯಾವ ತಂಡವೂ ಖರೀದಿಸಲು ಮುಂದೆ ಬಂದಿರಲಿಲ್ಲ. ಕೊನೆಗೆ 1 ಕೋಟಿ ರೂ. ಮೂಲ ಬೆಲೆಗೆ ಮುಂಬೈ ಇಂಡಿಯನ್ಸ್‌ ಖರೀದಿಸಿದ್ದನ್ನು ಸ್ಮರಿಸಬಹುದು.