ಉಮಾ ಭಾರತಿ ಬಂಧನ ಎಂದು ಯೂಟ್ಯೂಬಲ್ಲಿ ವೀಡಿಯೋ: ಪ್ರಕರಣ

ಭೋಪಾಲ್‌: ಮಧ್ಯಪ್ರದೇಶ ಮಾಜಿ ಸಿಎಂ ಉಮಾ ಭಾರತಿಯವರು ಲಂಚ ಸ್ವೀಕರಿಸುವ ಸಂದರ್ಭದಲ್ಲಿ ಮಾರುವೇಷದಲ್ಲಿದ್ದ ಐಪಿಎಸ್‌ ಅಧಿಕಾರಿಯೊಬ್ಬರು ಸೆರೆಹಿಡಿದಿದ್ದಾರೆ ಎಂದು ಯೂಟ್ಯೂಬ್‌ನಲ್ಲಿ ವೀಡಿಯೋ ಅಪ್‌ಲೋಡ್‌ ಮಾಡಿದ ಅಪರಿಚಿತನ ವಿರುದ್ಧ ಪ್ರಕರಣ ದಾಖಲಾಗಿದೆ.

ಅಪ್‌ಲೋಡ್‌ ಮಾಡ ಲಾಗಿರುವ 40 ಸೆಕೆಂಡ್‌ಗಳ ವೀಡಿಯೋದಲ್ಲಿ ಕರ್ನಾಟಕ ಕೇಡರ್ ನ ಐಪಿಎಸ್‌ ಅಧಿಕಾರಿ ರೂಪಾ ದಿವಾಕರ ಮೌದ್ಗಿಲ್‌ ಮತ್ತು ಭಾರತಿ ಅವರ ಚಿತ್ರಗಳನ್ನು ಪ್ರದರ್ಶಿಸಿ, ಭಾರತಿ ಅವರು ಕಂಟ್ರಾಕ್ಟರ್‌ ಒಬ್ಬರ ಬಳಿ ಕಿಕ್‌ಬ್ಯಾಕ್‌ ಸ್ವೀಕರಿಸುವ ಸಂದರ್ಭದಲ್ಲಿ ಅವರನ್ನು ಬಂಧಿಸಿದ್ದಾರೆ ಎನ್ನಲಾಗಿತ್ತು.