ಹಳೇ ವೈಷಮ್ಯ : ಮನೆಗೆ ನುಗ್ಗಿ ಯುವಕನಿಗೆ ಗುಂಡೆಸೆದು ಕೊಲೆ

ಇಟಾ, ಉತ್ತರ ಪ್ರದೇಶ : ಆಲಿಗಂಜ್‌ ಪ್ರದೇಶದ ದಾರ್ಶಯ್‌ ಗ್ರಾಮದಲ್ಲಿ ಯುವಕನೊಬ್ಬನನ್ನು ಆತನ ಮನೆಯಲ್ಲೇ ಗುಂಡಿಕ್ಕಿ ಕೊಂದ ಘಟನೆ ನಡೆದಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಮೃತ ಯುವಕನನ್ನು ಅನ್‌ಶೂಲ್‌ (25) ಎಂದು ಗುರುತಿಸಲಾಗಿದೆ. ಜೇಡನ್‌ ಎಂಬ ವ್ಯಕ್ತಿಯೋರ್ವ ಅನ್‌ಶೂಲ್‌ ಮನೆಗೆ ನುಗ್ಗಿ ಗುಂಡಿಕ್ಕಿ ಸಾಯಿಸಿದ ಎಂದು ಪೊಲೀಸರು ತಿಳಿಸಿದ್ದಾರೆ.

ಹಳೇ ವೈಷಮ್ಯದಲ್ಲಿ ಈ ಕೊಲೆ ನಡೆದಿರಬೇಕೆಂದು ಶಂಕಿಸಿರುವ ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಈ ತನಕ ಯಾರನ್ನೂ ಬಂಧಿಸಲಾಗಿಲ್ಲ.