Advertisement

ನೀವು ಬಡವ ಎಂದು ಹೇಳಿಕೊಳ್ತೀರಿ…ಆದರೆ ನಾನೊಬ್ಬ ಅಸ್ಪೃಶ್ಯ: ಪ್ರಧಾನಿ ಮೋದಿಗೆ ಖರ್ಗೆ

02:53 PM Nov 28, 2022 | Team Udayavani |

ಅಹಮದಾಬಾದ್: ಪ್ರಧಾನಿ ನರೇಂದ್ರ ಮೋದಿ ಅವರನ್ನು “ಸುಳ್ಳಿನ ಸರದಾರ” ಎಂದು ಆರೋಪಿಸಿರುವ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ತಮ್ಮನ್ನು ತಾವು ಬಡವ ಎಂದು ಕರೆದುಕೊಳ್ಳುವ ಮೂಲಕ ಜನರ ಸಹಾನುಭೂತಿ ಗಳಿಸುವ ಯತ್ನ ಮಾಡುತ್ತೀರಿ. ನೀವು(ಮೋದಿ) ಬಡವ ಎಂದು ಹೇಳಿಕೊಳ್ಳುತ್ತೀರಿ, ಆದರೆ ನಾನೊಬ್ಬ(ಖರ್ಗೆ) ಅಸ್ಪೃಶ್ಯ ಎಂದು ಚಾಟಿ ಬೀಸಿದ್ದಾರೆ.

Advertisement

ಸೋಮವಾರ (ನವೆಂಬರ್ 28) ಗುಜರಾತ್ ನ ನರ್ಮದಾ ಜಿಲ್ಲೆಯ ದೇಡಿಯಾಪಾಡಾದಲ್ಲಿ ಮಲ್ಲಿಕಾರ್ಜುನ ಖರ್ಗೆ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು. ‘ನಾನು ಅಸ್ಪೃಶ್ಯ ಜಾತಿಯಲ್ಲಿ ಜನಿಸಿದ್ದೇನೆ ಎಂದು ಖರ್ಗೆ ಹೇಳಿದರು.

ಇದನ್ನೂ ಓದಿ:ನಿವೃತ್ತ ಸೈನಿಕರೊಬ್ಬರ ಮೇಲೆ ಬಿದಿರಿನ ಕೋಲಿನಿಂದ ಹಲ್ಲೆ: ವಿಡಿಯೋ ವೈರಲ್

“ನೀವು ಬಡವ ಎಂದು ಹೇಳಿಕೊಳ್ಳುತ್ತೀರಿ, ನಾನು ಅಸ್ಪೃಶ್ಯನಾಗಿದ್ದೇನೆ. ಜನರು ನೀವು ಚಹಾ ಕೊಟ್ಟರೆ ಕುಡಿಯುತ್ತಾರೆ, ಆದರೆ ನಾನು ಟೀ ಕೊಟ್ಟರೆ ಯಾರೂ ಕುಡಿಯುವುದಿಲ್ಲ ಎಂದು ತಿಳಿಸಿರುವುದಾಗಿ ಎಎನ್ ಐ ನ್ಯೂಸ್ ಏಜೆನ್ಸಿ ವರದಿ ಮಾಡಿದೆ.

ಒಂದು ವೇಳೆ ನೀವು ಇದನ್ನು ಸಹಾನುಭೂತಿ ಎಂದು ಹೇಳುವುದಾದರೆ, ಜನರು ಈಗ ಬುದ್ದಿವಂತರಾಗಿದ್ದಾರೆ. ನೀವು ಎಷ್ಟು ಬಾರಿ ಸುಳ್ಳು ಹೇಳಿದ್ದೀರಿ? ನೀವು (ಮೋದಿ) ಸುಳ್ಳಿನ ಸರದಾರ ಎಂದು ಖರ್ಗೆ ವಾಗ್ದಾಳಿ ನಡೆಸಿದ್ದಾರೆ.

Advertisement

ಸೋಮವಾರ ಬೆಳಗ್ಗೆ ಖೇಡಾದಲ್ಲಿ ಸಾರ್ವಜನಿಕ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರು ಖರ್ಗೆ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದರು. ನಾನು ಯಾವುದೇ ಸ್ಥಾನಮಾನ ಇಲ್ಲದ ಸಾಮಾನ್ಯ ಕುಟುಂಬದಲ್ಲಿ ಜನಿಸಿದ್ದೇನೆ ಎಂದು ಪ್ರಧಾನಿ ಮೋದಿ ಹೇಳಿದ್ದರು.

“ಇಂದು ಕಾಂಗ್ರೆಸ್ ಅಧ್ಯಕ್ಷ (ಖರ್ಗೆ) ಗುಜರಾತ್ ಗೆ ಆಗಮಿಸುತ್ತಿದ್ದಾರೆ. ಸೋನಿಯಾ ಗಾಂಧಿ ಅವರನ್ನು ಇಲ್ಲಿಗೆ ಕಳುಹಿಸಿದ್ದಾರೆ. ಗುಜರಾತ್ ನಲ್ಲಿ ಮೋದಿ ಅವರ ಸ್ಥಾನಮಾನದ ಕುರಿತು ಮಾತನಾಡಲು ಸೂಚಿಸಿರಬಹುದು. ನನಗೆ ಯಾವುದೇ ಸ್ಥಾನಮಾನವಿಲ್ಲ. ನಾನು ಸಾಮಾನ್ಯ ಮನುಷ್ಯನಾಗಿ ಹುಟ್ಟಿದ್ದೇನೆ. ಅವರು ನನ್ನ ಸ್ಥಾನಮಾನ ಹೇಗೆ ತೋರಿಸುತ್ತಾರೆ ಎಂದು ನೋಡುವ ಎಂಬುದಾಗಿ ಪ್ರಧಾನಿ ಮೋದಿ ವ್ಯಂಗ್ಯವಾಡಿದ್ದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next