ಕ್ರೈಂ ಥ್ರಿಲ್ಲರ್ ಕಥಾ ಶೈಲಿಯ “ಯೆಲ್ಲೋ ಗ್ಯಾಂಗ್ಸ್‌’ ಚಿತ್ರದ ಟೀಸರ್ ಇತ್ತೀಚೆಗೆ ಬಿಡುಗಡೆಯಾಗಿದೆ. ನಿರ್ದೇಶಕ ಯೋಗರಾಜ್‌ ಭಟ್‌ ಟೀಸರ್ ರಿಲೀಸ್‌ ಮಾಡಿ, ಚಿತ್ರತಂಡಕ್ಕೆ ಶುಭಕೋರಿದರು.
ಈ ಚಿತ್ರ ವಿಭಿನ್ನ ಸ್ಟುಡಿಯೋಸ್‌, ಕೀ ಲೈಟ್ಸ್ ಮತ್ತು ವಾಟ್‌ ನೆಕ್ಸ್ಟ್ ಮೂವೀಸ್‌ ಸಂಸ್ಥೆಗಳ ಸಹಯೋಗದಲ್ಲಿ ನಿರ್ಮಾಣವಾಗಿದ್ದು ಇದಕ್ಕೆ ರವೀಂದ್ರ ಪರಮೇಶ್ವರಪ್ಪ ಅವರ ರಚನೆ ಮತ್ತು ನಿರ್ದೇಶನವಿದೆ. ನಿರ್ದೇಶಕ ರವೀಂದ್ರ ಅವರ ಪ್ರಕಾರ, ಇದು ಕನ್ನಡಕ್ಕೆ ಹೊಸ ಬಗೆಯ ಸಿನಿಮಾ. ಹೀರೋ ಹೀರೋಯಿನ್‌ ಎಂಬ ಕಾನ್ಸೆಪ್ಟ್ ಬಿಟ್ಟು ಮಾಡಿರುವಂತಹ ಸಿನಿಮಾ. ಮಾಡಿದರೆ ಈ ತರಹದ ಪ್ರಯೋಗಾತ್ಮಕ ಸಿನಿಮಾ ಮಾಡಬೇಕೆಂಬ ಆಸೆ ಇತ್ತು. ಅದು ಈಗ ಈಡೇರಿದೆ ಎಂದರು.
ಇಡೀ ಚಿತ್ರತಂಡ ನಿರ್ದೇಶಕ ರವೀಂದ್ರ ಅವರ ಶ್ರಮ ಹಾಗೂ ಅವರ ಶಿಸ್ತಿನ ಬಗ್ಗೆ ಮಾತನಾಡಿತು. ಇನ್ನು, ಎರಡು ಹಂತಗಳಲ್ಲಿ ಒಟ್ಟು 25 ದಿನಗಳ ಕಾಲ ನಡೆದಚಿತ್ರೀಕರಣವು ಸಂಪೂರ್ಣವಾಗಿ ಬೆಂಗಳೂರಿನಲ್ಲಿ ನಡೆದಿದೆ. ಛಾಯಾಗ್ರಹಣವನ್ನು ಸುಜ್ಞಾನ್‌ ಅವರು ನಿರ್ವಹಿಸಿದ್ದಾರೆ. ಚಿತ್ರಕ್ಕೆ ರೋಹಿತ್‌ ಸೋವರ್‌ ಅವರ ಸಂಗೀತ, ಸುರೇಶ್‌ ಆರ್ಮುಗಂ ಅವರ ಸಂಕಲನವಿದೆ. ಚಿತ್ರದ ಸಂಭಾಷಣೆಯನ್ನು ರವೀಂದ್ರ ಪರಮೇಶ್ವರಪ್ಪ ಹಾಗೂ ಪ್ರವೀಣ್‌ ಕುಮಾರ್‌ ಜಿ ಅವರುಗಳು ಬರೆದಿದ್ದಾರೆ.
ಇದನ್ನೂ ಓದಿ : ಹೊಸಬರ ಡ್ರೀಮ್‌ ಪ್ರಾಜೆಕ್ಟ್
ಮನೋಜ್‌ ಪಿ, ಜಿ.ಎಂ ಆರ್‌ಕುಮಾರ್‌, ಡಿ.ಎಸ್‌ ಪ್ರವೀಣ್‌ ಹಾಗೂ ಜೆ.ಎನ್‌.ವಿ, ಶಿವಮೊಗ್ಗ ಶಾಲೆಯ ಮಾಜಿ ವಿದ್ಯಾರ್ಥಿಗಳು ಚಿತ್ರದ ಸಹ ನಿರ್ಮಾಪಕರಾಗಿದ್ದಾರೆ. ಷಣ್ಮುಖ ಹಿರೇಮಧುರೆ ಮತ್ತು ಸುಪ್ರೀತ್‌ ಅವರು ಚಿತ್ರದಕಲಾ ನಿರ್ದೇಶಕರು. ಚಿತ್ರಕ್ಕೆ ಚೇತನ್‌ ಡಿಸೋಜಾ ಅವರ ಸಾಹಸ ಸಂಯೋಜನೆ ಮತ್ತು ದಿಲೀಪ್‌ ಶಿವಾನಂದ ಅವರ ವಸ್ತ್ರವಿನ್ಯಾಸವಿದೆತಾರಾಗಣದಲ್ಲಿ ಬಲರಾಜ್ವಾಡಿ, ನಾಟ್ಯ ರಂಗ, ದೇವ್‌ ದೇವಯ್ಯ, ಅರ್ಚನಾಕೊಟ್ಟಿಗೆ, ಸತ್ಯ ಉಮ್ಮತ್ತಾಲ್, ಪ್ರದೀಪ್‌ ಪೂಜಾರಿ, ವಿನೀತ್‌ಕಟ್ಟಿ, ಮಲ್ಲಿಕಾರ್ಜುನ ದೇವರಮನೆ, ನಂದಗೋಪಾಲ್, ರವಿ ಗಜ ಜಿಗಣಿ, ನೀನಾಸಂದಯಾನಂದ್‌, ಸತ್ಯ ಬಿ.ಜಿ, ವಿಠ್ಠಲ್ ಪರೀಟ, ಅರುಣ್‌ ಕುಮಾರ್‌, ಶ್ರೀಹರ್ಷ, ಸಂಚಾರಿ ಮಧು, ಪ್ರವೀಣ್‌ ಕೆ.ಬಿ, ಪವನ್‌ ಕುಮಾರ್‌ಕೆ ಮತ್ತು ಮುಂತಾದವರಿದ್ದಾರೆ.
