B. S. Yediyurappa: ಮತ್ತೆ ಶಕ್ತಿ ಕೇಂದ್ರವಾದ ಯಡಿಯೂರಪ್ಪ ನಿವಾಸ

ಬೆಂಗಳೂರು: ಲೋಕಸಭೆ ಚುನಾವಣೆ ಸನ್ನಿಹಿತವಾದಂತೆ ಕೇಂದ್ರ ಬಿಜೆಪಿ ಸಂಸದೀಯ ಮಂಡಳಿ ಸದಸ್ಯರೂ ಆಗಿರುವ ಮಾಜಿ ಸಿಎಂ ಬಿ.ಎಸ್‌. ಯಡಿಯೂರಪ್ಪ ಅವರ ನಿವಾಸ “ಧವಳಿಗಿರಿ’ಯು ಬಿಜೆಪಿ ಪಾಲಿಗೆ ಮತ್ತೆ ರಾಜಕೀಯ ಶಕ್ತಿ ಕೇಂದ್ರವಾಗಿ ಪರಿಣಮಿಸಿದೆ.

ಮೂರ್‍ನಾಲ್ಕು ದಿನಗಳಿಂದ ಬಿಎಸ್‌ವೈ ನಿವಾಸಕ್ಕೆ ಎಡ ತಾಕುತ್ತಿರುವ ಬಿಜೆಪಿ ಮುಖಂಡರು, ಟಿಕೆಟ್‌ ಸಿಗುವ ಮುನ್ನ

ಒಂದು ರೀತಿಯಾದರೆ, ಟಿಕೆಟ್‌ ಸಿಕ್ಕಿದ ಬಳಿಕ ಮತ್ತೂಂದು ರೀತಿಯಲ್ಲಿ ಎಡತಾಕುತ್ತಲೇ ಇದ್ದಾರೆ. ಟಿಕೆಟ್‌ ಘೋಷಣೆ ಬಳಿಕ ಬುಧವಾರ ರಾತ್ರಿ ಬೆಂಗಳೂರು ಗ್ರಾಮಾಂತರದ ಅಭ್ಯರ್ಥಿ ಡಾ| ಮಂಜುನಾಥ್‌ ಅವರು ಬಿಎಸ್‌ವೈ ನಿವಾಸಕ್ಕೆ ಭೇಟಿ ನೀಡಿದರೆ, ಗುರುವಾರ ಮೈಸೂರು ಕ್ಷೇತ್ರದ ಅಭ್ಯರ್ಥಿ ಯದುವೀರ್‌ ಒಡೆಯರ್‌, ಹಾವೇರಿ

ಕ್ಷೇತ್ರದ ಅಭ್ಯರ್ಥಿ ಬಸವರಾಜ ಬೊಮ್ಮಾಯಿ ಅವರು ಭೇಟಿ ನೀಡಿದರು.  ಚಾಮರಾಜನಗರದಿಂದ ಟಿಕೆಟ್‌ಘೋಷಣೆ

ಯಾಗಿರುವ ಬಾಲರಾಜು ಅವರು ಯಡಿಯೂರಪ್ಪ ಅವರ ಕಾಲಿಗೆರಗಿ ಕೃತಜ್ಞತೆ ಸಲ್ಲಿಸಿದರು.