ಸರಳವಾಗಿ ನಡೆದ ನಟ ಯಶ್‌ ಬರ್ತ್‌ಡೇ

ನಟ ರಾಕಿಂಗ್‌ಸ್ಟಾರ್‌ ಯಶ್‌ಗೆ ಶುಕ್ರವಾರ ಜನ್ಮದಿನದ ಸಂಭ್ರಮ. ಕೋವಿಡ್‌ ಕಾರಣದಿಂದ, ಈ ಬಾರಿ ಯಶ್‌ ಸರಳವಾಗಿ ಜನ್ಮದಿನ
ಆಚರಿಸಿಕೊಂಡರು. ಅಭಿಮಾನಿಗಳು ಈ ಬಾರಿ ಎಲ್ಲಿದ್ದೀರೋ ಅಲ್ಲಿಂದನೇ ವಿಶ್‌ ಮಾಡಿ ಎಂದು ಅಭಿಮಾನಿಗಳಲ್ಲಿ ಕೆಲ ದಿನಗಳ ಹಿಂದಷ್ಟೇ ಯಶ್‌ ಮನವಿ ಮಾಡಿಕೊಂಡಿದ್ದರು.

ಹೀಗಾಗಿ ಯಶ್‌ ಹುಟ್ಟುಹಬಕ್ಕೆ ಮನೆಯ ಮುಂದೆ ಜಮಾಯಿಸುತ್ತಿದ್ದ ಅಭಿಮಾನಿಗಳ ಸಂಖ್ಯೆ ಕೂಡ ಈ ಬಾರಿ ಕಡಿಮೆಯಿತ್ತು. ಹಾಗಾಗಿ ಯಶ್‌ ತಮ್ಮ ಕುಟುಂಬದವರು ಮತ್ತು ಸ್ನೇಹಿತರ ಜೊತೆ ಸರಳವಾಗಿ ಈ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.
“ಕೆಜಿಎಫ್-2′ ಚಿತ್ರತಂಡದ ಜೊತೆ ಕೇಕ್‌ ಕತ್ತರಿಸಿ ಸಂಭ್ರಮಿಸಿದರು. ಯಶ್‌ ಜನ್ಮದಿನದ ಪ್ರಯುಕ್ತ “ಕೆಜಿಎಫ್-2′ ಚಿತ್ರತಂಡ,
ಚಿತ್ರದ ಟೀಸರ್‌ ಅನ್ನು ಬಿಡುಗಡೆ ಮಾಡಿ, ವಿಶೇಷ ಉಡುಗೊರೆಯಾಗಿ ನೀಡಿದೆ.

ಇದನ್ನೂ ಓದಿ:ಲಸಿಕೆ ತಾಲೀಮಿಗೆ ಒಳಗಾದ ಡಿಸಿಎಂ: ಮೊದಲ ಹಂತದಲ್ಲಿ 8,405 ಕೋವಿಡ್‌ ಯೋಧರಿಗೆ ಲಸಿಕೆ

ಇನ್ನು ಯಶ್‌ ಜನ್ಮದಿನಕ್ಕೆ ಚಿತ್ರರಂಗ ಮತ್ತು ಅಭಿಮಾನಿಗಳಿಂದ ಶುಭಾಶಯ ಗಳ ಮಹಾಪೂರವೇ ಹರಿದು ಬಂದಿತು. ಸೋಶಿಯಲ್‌ ಮೀಡಿಯಾಗಳಲ್ಲಿ ಚಿತ್ರರಂಗದ ಅನೇಕ ಗಣ್ಯರು ಮತ್ತು ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಬರ್ತ್‌ಡೇಗೆ ಶುಭ
ಕೋರಿದರು.