ಯಾದಗಿರಿ ಜಿಲ್ಲಾದ್ಯಂತ ಧಾರಾಕಾರ ಮಳೆ

ಯಾದಗಿರಿ: ಜಿಲ್ಲೆಯಲ್ಲಿ ಶನಿವಾರವೂ ಉತ್ತಮ ಮಳೆ ಸುರಿದಿದ್ದು ಕೆಲವೆಡೆ ಅವಾಂತರ ಸೃಷ್ಟಿಸಿದೆ. ಕಳೆದ ಮೂರು ದಿನಗಳಿಂದ ನಿತ್ಯ ರಾತ್ರಿ ಜಿಲ್ಲೆಯ ವಿವಿದೆಢೆ ಮಳೆ ಸುರಿಯುತ್ತಿದೆ.

ಶನಿವಾರ ರಾತ್ರಿ ಗುಡುಗಿನ ಆರ್ಭಟದೊಂದಿಗೆ ವರುಣ ಅಬ್ಬರಿಸಿದ್ದಾನೆ. ಧಾರಾಕಾರ ಮಳೆಗೆ ಜಿಲ್ಲಾ ಕೇಂದ್ರದ ಹಳೆ ಸರ್ಕಾರಿ ಅತಿಥಿಗೃಹದ ಆವರಣದಲ್ಲಿ ಮಳೆ ನೀರು ನಿಂತು ನಡೆದಾಡಲು ಸಮಸ್ಯೆ ಆಗಿದೆ. ಶಹಾಪುರ ತಾಲೂಕಿನ ಇಬ್ರಾಹಿಂಪುರದಲ್ಲಿಯೂ ಮಳೆಯಿಂದಾಗಿ ಗ್ರಾಮದ ಹೊರವಲಯದ ಸೇತುವೆ ಮೇಲೆ ನೀರು ಹರಿದಿದೆ. ಸೇತುವೆ ಜಲಾವೃತವಾಗಿದ್ದರಿಂಧ ಗ್ರಾಮಸ್ಥರು ಭಯದಲ್ಲೇ ನಡೆದುಕೊಂಡು ಬಂದಿದ್ದರೆ, ಇನ್ನು ವಾಹನ ಸಂಚಾರಕ್ಕೆ ಅಡೆತಡೆ ಆಯಿತು.