ರಣಜಿ ಫೈನಲ್‌ಗೆ ಚೇತೇಶ್ವರ್‌ ಪೂಜಾರ, ಸಾಹಾ

ರಾಜ್‌ಕೋಟ್‌: ಬಂಗಾಲ-ಸೌರಾಷ್ಟ್ರ ನಡುವಿನ ರಣಜಿ ಫೈನಲ್‌ ಪಂದ್ಯದಲ್ಲಿ ಟೀಮ್‌ ಇಂಡಿಯಾ ಸದಸ್ಯರಾದ ಚೇತೇಶ್ವರ್‌ ಪೂಜಾರ ಮತ್ತು ವೃದ್ಧಿಮಾನ್‌ ಸಾಹಾ ಆಡುವ ಸಾಧ್ಯತೆ ಇದೆ. ಇವರಿಬ್ಬರೂ ನ್ಯೂಜಿಲ್ಯಾಂಡ್‌ ಪ್ರವಾಸಗೈದ ಭಾರತ ಟೆಸ್ಟ್‌ ತಂಡದಲ್ಲಿದ್ದರು. 2 ಪಂದ್ಯಗಳ ಸರಣಿ ಮುಗಿದ ಕಾರಣ ರಣಜಿ ಫೈನಲ್‌ ಆಡಲಿದ್ದಾರೆ ಎಂದು ತಿಳಿದು ಬಂದಿದೆ.

“ಪೂಜಾರ ಫೈನಲ್‌ ಆಡುವುದು ಖಚಿತ. ಆದರೆ ರವೀಂದ್ರ ಜಡೇಜ ಆಡುವ ಬಗ್ಗೆ ಖಾತ್ರಿ ಇಲ್ಲ’ ಎಂಬುದಾಗಿ ಸೌರಾಷ್ಟ್ರ ನಾಯಕ ಜೈದೇವ್‌ ಉನಾದ್ಕತ್‌ ಹೇಳಿದ್ದಾರೆ.