ಗಿನ್ನಿಸ್‌ ದಾಖಲೆ ಬರೆದ ವಿಶ್ವದ ಅತಿ ದುಬಾರಿ “ಫ್ರೆಂಚ್‌ ಫ್ರೈಸ್‌’

ವಾಷಿಂಗ್ಟನ್‌: ಅಮೆರಿಕದ ನ್ಯೂಯಾರ್ಕ್‌ ನಗರದ “ಸೆರೆನ್‌ಡಿಟಿ 3′ ಎಂಬ ರೆಸ್ಟರಾಂಟ್‌, ವಿಶ್ವದ ಅತಿ ದುಬಾರಿಯ ಫ್ರೆಂಚ್‌ ಫ್ರೈಸ್‌ ತಯಾರಿಸಿದೆ! ಅದರ ಒಂದೊಂದು ತುಣುಕಿನ ಬೆಲೆ 15,000 ರೂ. ಇದ್ದು, ಆ ಮೂಲಕ ಇದರ ತಯಾರಕರಾದ ಸೆರೆನ್‌ಡಿಟಿ 3 ಅಡುಗೆಭಟ್ಟರಾದ ಜೊ ಹಾಗೂ ಫೆಡ್ಡಿ ಅವರು “ವಿಶ್ವದ ಅತಿ ದುಬಾರಿ ಫ್ರೆಂಚ್‌ ಫ್ರೈಸ್‌ ತಯಾರಕರು’ ಎಂಬ ಗಿನ್ನಿಸ್‌ ದಾಖಲೆಗೆ ಭಾಜನರಾಗಿದ್ದಾರೆ.

ಈ ಫ್ರೆಂಚ್‌ ಫ್ರೈಸ್‌ಗೆ ಕ್ರೀಮಿಡಿಲಾ ಕ್ರೀಮಿ ಪೊಮ್ಮೆ ಫ್ರೈಟ್ಸ್‌ ಎಂದು ಹೆಸರಿಡಲಾಗಿದ್ದು, ಇದರಲ್ಲಿ ವಿಶೇಷವಾದ ಚಿಪರ್‌ಬೆಕ್‌ ಆಲೂಗೆಡ್ಡೆ, ಡೊಮ್‌ಪಿರಿಗ್ನಾನ್‌ ಶಾಂಪೇನ್‌, ಜೆ. ಲಿಬ್ಲಾಂಕ್‌ ಫ್ರೆಂಚ್‌ ಶಾಂಪೈನ್‌ ಆಧಾರಿತ ವಿನಿಗರ್‌, ಟ್ರಫ‌ಲ್‌ ಸಾಲ್ಟ್, ಟ್ರಫ‌ಲ್‌ ಆಯಿಲ್‌ ಬಳಸಿ ಈ ಫ್ರೆಂಚ್‌ ಫ್ರೈಸ್‌, ನಿಖರವಾದ ರುಚಿ, ನಿಖರವಾದ ಹದದಲ್ಲಿ ತಯಾರಿಸಲಾಗಿದೆ ಎಂದು ರೆಸ್ಟರಾಂಟ್‌ ಹೇಳಿದೆ.

ಇದನ್ನೂ ಓದಿ :ಹಿರಿಯ ಹೋರಾಟಗಾರ, ಮಾಜಿ ಸಂಸದ ಜಿ.ಮಾದೇಗೌಡ ನಿಧನ