ನಗದು ಬಹುಮಾನ ನಿರಾಕರಿಸಿದ ವಿಶ್ವಕಪ್‌ ವಿಜೇತ ಅಂಧ ಕ್ರಿಕೆಟಿಗರು

ನವದೆಹಲಿ: ಇತ್ತೀಚೆಗೆ ಟಿ20 ವಿಶ್ವಕಪ್‌ ಗೆದ್ದ ಭಾರತ ಅಂಧರ ಕ್ರಿಕೆಟ್‌ ತಂಡಕ್ಕೆ ಕೇಂದ್ರ ಕ್ರೀಡಾ ಸಚಿವ ವಿಜಯ್‌ ಗೋಯೆಲ್‌ ಒಟ್ಟು 10 ಲಕ್ಷ ರೂ. ನಗದು ಘೋಷಣೆ ಮಾಡಿದ್ದಾರೆ. ಈ ಬೆನ್ನಲ್ಲೇ ಭಾರತ ಅಂಧರ ಕ್ರಿಕೆಟ್‌ ಮಂಡಳಿ (ಸಿಎಬಿಐ). ಈ ಪ್ರಶಸ್ತಿ ಮೊತ್ತವನ್ನು ತಿರಸ್ಕರಿಸಿದೆ.

ಏಕದಿನ ವಿಶ್ವಕಪ್‌ ಗೆದ್ದಾಗ ಎಲ್ಲ ಆಟಗಾರರಿಗೂ ತಲಾ 5 ಲಕ್ಷ ನೀಡಲಾಗಿತ್ತು. ಈ ಬಾರಿ ಚುಟುಕು ವಿಶ್ವಕಪ್‌ ಗೆದ್ದರೂ ನಮಗೆ ಸೂಕ್ತ ನಗದು ಪ್ರಕಟಿಸಿಲ್ಲ. ಇದರಿಂದ ನಮಗೆ ತೀವ್ರ ನಿರಾಶೆಯಾಗಿದೆ. ಹೀಗಾಗಿ ನಗದು ಪುರಸ್ಕಾರ ಸ್ವೀಕರಿಸದಿರಲು ನಿರ್ಧರಿಸಿದ್ದೇವೆ ಎಂದು ಸಿಎಬಿಐ ಮುಖ್ಯಸ್ಥ ಜಿ.ಕೆ. ಮಹಾಂತೇಶ್‌ ತಿಳಿಸಿದ್ದಾರೆ.