ವಿಶ್ವಕಪ್‌: ಭಾರತ ಕ್ರಿಕೆಟಿಗರ ಪತ್ನಿಯರ ಪ್ರವಾಸ ಕಟ್?

ನವದೆಹಲಿ: ಕ್ರಿಕೆಟಿಗರ ಜತೆಗೆ ಅವರ ಪತ್ನಿಯರೂ ವಿದೇಶಿ ಪ್ರವಾಸ ಕೈಗೊಳ್ಳುವುದು ಬಿಸಿಸಿಐ(ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ)ಗೆ ಇದೀಗ ಮತ್ತೂಮ್ಮೆ ದೊಡ್ಡ ತಲೆ ನೋವಾಗಿ ಪರಿಣಮಿಸಿದೆ. ಸದ್ಯ ಕೊಹ್ಲಿ ಪಡೆ ನ್ಯೂಜಿಲೆಂಡ್‌ ಸರಣಿಯಲ್ಲಿರುವಾಗಲೇ ಈ ವಿಷಯ ಚರ್ಚೆಗೆ ಬಂದಿದೆ. ಇಂಗ್ಲೆಂಡ್‌ನ‌ಲ್ಲಿ ನಡೆಯಲಿರುವ ವಿಶ್ವಕಪ್‌ ಏಕದಿನ ಕ್ರಿಕೆಟ್ ಕೂಟದ ವೇಳೆ ಇದು ಬಿಸಿಸಿಐ ನುಂಗಲಾರದ ತುತ್ತಾಗಲಿದೆ ಎನ್ನಲಾಗಿದೆ.

ಈ ಬಗ್ಗೆ ಬಿಸಿಸಿಐನ ಅಧಿಕಾರಿಯೊಬ್ಬರು ಪ್ರತಿಕ್ರಿಯಿಸಿದ್ದು ಹೀಗೆ ‘ಮುಂದೆ ವಿಶ್ವಕಪ್‌ ಬರುತ್ತಿದೆ. ಈ ವೇಳೆ ಕ್ರಿಕೆಟಿಗರಿಗೆ ವಿಮಾನ, ಹೋಟೆಲ್‌ ಸೇರಿದಂತೆ ಮತ್ತಿತರ ವ್ಯವಸ್ಥೆಗಳಿಗೆ ಮುಂಗಡವಾಗಿ ಬುಕಿಂಗ್‌ ಮಾಡಬೇಕಾಗುತ್ತದೆ. ಕ್ರಿಕೆಟಿಗರ ಜತೆಗೆ ಆಟಗಾರರ ಪತ್ನಿಯರು ಹಾಗೂ ಗೆಳತಿಯರಿಗೆ ಕೂಡ ಬುಕಿಂಗ್‌ ಮಾಡಬೇಕಾಗುತ್ತದೆ. ಇದು ತುಂಬಾ ಕಷ್ಟದ ವಿಚಾರ. ಆರ್ಥಿಕವಾಗಿಯೂ ಇದರಿಂದ ಸಾಕಷ್ಟು ಹೊರಬೀಳಲಿದೆ. ಇದರ ನಿರ್ವಹಣೆಯೆ ನಮಗೆ ದೊಡ್ಡ ತಲೆ ನೋವಾಗಿ ಪರಿಣಮಿಸಿದೆ ಎಂದು ತಿಳಿಸಿದ್ದಾರೆ.