ಬಿಜೆಪಿಯನ್ನು ‘ಅಜೇಯ’ವಾಗಿಸಿ: ಅಮಿತ್‌ ಶಾ

ಲಕ್ನೋ: ಬಿಜೆಪಿಯನ್ನು ‘ಸೋಲರಿಯದ ಸರದಾರ’ನನ್ನಾಗಿಸುವುದೇ ನಿಮ್ಮೆಲ್ಲರ ಏಕೈಕ ಗುರಿಯಾಗಿರಲಿ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ ಅವರು ಪಕ್ಷದ ನಾಯಕರು ಹಾಗೂ ಕಾರ್ಯಕರ್ತರಿಗೆ ಕರೆ ನೀಡಿದ್ದಾರೆ. ಶನಿವಾರ ಉತ್ತರಪ್ರದೇಶದ ಲಕ್ನೋಗೆ ಆಗಮಿಸಿದ ಶಾ ಅವರು ಪಕ್ಷದ ಪದಾಧಿ ಕಾರಿಗಳನ್ನು ಉದ್ದೇಶಿಸಿ ಮಾತನಾಡುತ್ತಾ, ‘ಕೆಲವು ರಾಜ್ಯಗಳಲ್ಲಿ ಸರಕಾರ ರಚಿಸಿರುವ ಬಿಜೆಪಿ ನಿರಂತರವಾಗಿ ತನ್ನ ಶಕ್ತಿಯನ್ನು ಹೆಚ್ಚಿಸುತ್ತಾ ಸಾಗುತ್ತಿದೆ. ಬಿಜೆಪಿಯನ್ನು ಅಜೇಯವಾಗಿಸುವುದೇ ನಮ್ಮ ಗುರಿಯಾಗಬೇಕು’ ಎಂದಿದ್ದಾರೆ.