Advertisement
ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್‌ ಸೂಪರ್‌ನೊವಾಸ್‌ ಮತ್ತು ರನ್ನರ್ ಅಪ್‌ ವೆಲಾಸಿಟಿ ತಂಡಗಳು ಎದುರಾಗಲಿವೆ. ಒಟ್ಟು 4 ಪಂದ್ಯಗಳು ನಡೆಯಲಿವೆ.
Related Articles
ಆಸ್ಟೇಲಿಯದಲ್ಲಿ ನಡೆದ ಕಳೆದ ಐಸಿಸಿ ಮಹಿಳಾ ಟಿ20 ವಿಶ್ವಕಪ್ ಕೂಟದಲ್ಲಿ ಸ್ಫೋಟಕ ಬ್ಯಾಟಿಂಗ್‌ ಮೂಲಕ ಎಲ್ಲರನ್ನು ನಿಬ್ಬೆರಗಾಗಿಸಿದ 16ರ ಬಾಲೆ, “ಲೇಡಿ ಸೆಹವಾಗ್‌’ ಖ್ಯಾತಿಯ ಶಫಾಲಿ ವರ್ಮ ಮೇಲೆ ವೆಲಾಸಿಟಿ ತಂಡ ಹೆಚ್ಚಿನ ಭರವಸೆ ಇರಿಸಿದೆ. ಈ ಕೂಟದಲ್ಲಿಯೂ ಇವರ ಬಿರುಸಿನ ಬ್ಯಾಟಿಂಗ್‌ ನಿರೀಕ್ಷಿಸಲಾಗಿದ್ದು, ವೆಲಾಸಿಟಿ ತಂಡ ಮೊದಲ ಬಾರಿ ಚಾಂಪಿಯನ್‌ ಆಗುವ ಕನಸು ಕಾಣುತ್ತಿದೆ. ಈ ತಂಡದಲ್ಲಿ ಅಂತರಾಷ್ಟ್ರೀಯ ಆಟಗಾರಿಗೇನೂ ಕೊರತೆ ಇಲ್ಲ. ನಾಯಕಿ ಮಿಥಾಲಿ ರಾಜ್‌, ಶಿಖಾ ಪಾಂಡೆ, ಡೇನಿಯಲ್‌ ವ್ಯಾಟ್‌, ವೇದಾ ಕೃಷ್ಣಮೂರ್ತಿ ಇವರೆಲ್ಲ ತಂಡಕ್ಕೆ ನೆರವಾಗಬಲ್ಲ ವಿಶ್ವಾಸವಿದೆ.
Advertisement
ಸಂಭಾವ್ಯ ತಂಡಗಳುಸೂಪರ್ನೊವಾಸ್: ಹರ್ಮನ್‌ ಪ್ರೀತ್‌ ಕೌರ್‌ (ನಾಯಕಿ), ಜೆಮಿಮಾ ರೋಡ್ರಿಗಸ್‌, ಚಾಮರಿ ಅಟಪಟ್ಟು, ಪ್ರಿಯಾ ಪೂನಿಯಾ/ಅನುಜಾ ಪಾಟೀಲ್‌, ರಾಧಾ ಯಾದವ್‌, ತನಿಯಾ ಭಾಟಿಯಾ, ಶಶಿಕಲಾ ಸಿರಿವರ್ಧನೆ/ ಶಕೀರಾ ಸೆಲ್ಮನ್‌, ಪೂನಂ ಯಾದವ್‌, ಅಂಕಿತಾ ರೆಡ್ಡಿ/ ಪೂಜಾ ವಸ್ತ್ರಾಕರ್‌, ಆಯುಷಿ ಸೋನಿ, ಮುಸ್ಕಾನ್‌ ಮಲಿಕ್‌. ವೆಲಾಸಿಟಿ: ಮಿಥಾಲಿ ರಾಜ್‌ (ನಾಯಕಿ), ವೇದಾ ಕೃಷ್ಣಮೂರ್ತಿ, ಶಫಾಲಿ ವರ್ಮ, ಸುಶ್ಮಾ ವರ್ಮ, ಏಕ್ತಾ ಬಿಶ್‌r, ಶಿಖಾ ಪಾಂಡೆ, ದೇವಿಕಾ ವೈದ್ಯ/ ದಿಭ್ಯದರ್ಶಿನಿ/ಮಾನಸಿ ಜೋಶಿ, ಡೇನಿಯಲ್‌ ವ್ಯಾಟ್‌, ಸುನೆ ಲೂಸ್‌, ಜಹನಾರಾ ಆಲಂ/ ಎಂ. ಅನಘಾ.
ಸತತ ಎರಡು ಬಾರಿಯ ಚಾಂಪಿಯನ್‌ ಸೂಪರ್‌ನೊàವಾಸ್‌ ಹ್ಯಾಟ್ರಿಕ್‌ ಪ್ರಶಸ್ತಿಯ ಮೇಲೆ ಕಣ್ಣಿಟ್ಟಿದೆ. ಭಾರತ ಮಹಿಳಾ ಕ್ರಿಕೆಟ್‌ ತಂಡದ ನಾಯಕಿ ಹರ್ಮನ್‌ಪ್ರೀತ್‌ ಕೌರ್‌ ಮುನ್ನಡೆಸುತ್ತಿರುವ ಈ ತಂಡ ಸ್ಟಾರ್‌ ಆಟಗಾರರಿಂದ ಒಳಗೊಂಡಿದೆ. ಲಂಕಾದ ಚಾಮರಿ ಅಟಪಟ್ಟು, ಜೆಮಿಮಾ ರೋಡ್ರಿಗಸ್‌, ಹರ್ಮನ್‌ಪ್ರೀತ್‌ ಕೌರ್‌, ತನಿಯಾ ಭಾಟಿಯಾ ಬ್ಯಾಟಿಂಗ್‌ ಆಧಾರಸ್ತಂಭವಾಗಿದ್ದಾರೆ. ಅರುಂಧತಿ ರೆಡ್ಡಿ, ಪೂನಂ ಯಾದವ್‌ ಬೌಲಿಂಗ್‌ ವಿಭಾಗದ ಪ್ರಮುಖರು.