ಬೆಂಗಳೂರು: ದ್ವಿತೀಯ ವನಿತಾ ಪ್ರೀಮಿಯರ್‌ ಲೀಗ್‌ (ಡಬ್ಲ್ಯುಪಿಎಲ್‌) ಫೆ. 23ರಂದು ಬೆಂಗಳೂರಿನ “ಎಂ. ಚಿನ್ನಸ್ವಾಮಿ ಸ್ಟೇಡಿಯಂ’ನಲ್ಲಿ ಆರಂಭವಾಗಲಿದೆ. ಬಿಸಿಸಿಐ ಇದರ ಅದ್ಧೂರಿ ಉದ್ಘಾಟನ ಸಮಾರಂಭಕ್ಕೆ ಸಿದ್ಧತೆ ನಡೆಸಿದೆ. ಬಾಲಿವುಡ್‌ ಗ್ಲ್ಯಾಮರ್‌ನೊಂದಿಗೆ ಇದು ಮೇಳೈಸಲಿದೆ.
ಖ್ಯಾತ ನಟರಾದ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಾರ್ತಿಕ್‌ ಆರ್ಯನ್‌ ಕಾರ್ಯಕ್ರಮ ನಡೆಸಿ ಕೊಡಲಿದ್ದಾರೆ. ಶುಕ್ರವಾರ ಸಂಜೆ 6.30ಕ್ಕೆ ಉದ್ಘಾಟನ ಸಮಾರಂಭ ಆರಂಭಗೊಳ್ಳಲಿದೆ.
“ಯೇ ಕಿಂಗ್‌ಡಮ್‌ ನಹೀ, ಅಬ್‌ ಕ್ವೀನ್‌ಡಮ್‌ ಹೈ! ಜಾçನ್‌ ಕಾರ್ತಿಕ್‌ ಆರ್ಯನ್‌. ಹೀ ಫೈಟ್ಸ್‌ ಫಾರ್‌ ದ ಕ್ರೌನ್‌ ಫಾರ್‌ ಹಿಸ್‌ ಕ್ವೀನ್‌ಡಮ್‌’ ಎಂದು ಡಬ್ಲ್ಯುಪಿಎಲ್‌ ವೆಬ್‌ಸೈಟ್‌ ಆಕರ್ಷಕ ಶೈಲಿಯಲ್ಲಿ ಪ್ರಕಟಿಸಿದೆ.
ಉದ್ಘಾಟನ ಕಾರ್ಯಕ್ರಮ ಒಂದು ಗಂಟೆ ಕಾಲ ನಡೆಯಲಿದೆ. ಇದು ನ್ಪೋರ್ಟ್ಸ್ 18 ಮತ್ತು ಜಿಯೋ ಸಿನೆಮಾದಲ್ಲಿ ನೇರ ಪ್ರಸಾರ ಕಾಣಲಿದೆ.
ಫೆ. 23ರಿಂದ ಮಾ. 4ರ ತನಕ ಬೆಂಗಳೂರಿನಲ್ಲಿ ಲೀಗ್‌ ಪಂದ್ಯಗಳು ನಡೆಯಲಿವೆ. ಮಾ. 5ರಿಂದ ಹೊಸದಿಲ್ಲಿಯಲ್ಲಿ ಪಂದ್ಯಾವಳಿ ಮುಂದುವರಿಯುತ್ತದೆ.
