ಮಹಿಳಾ ಆರೋಗ್ಯ ಪಾಲನೆ : ಉಪನ್ಯಾಸ

ಉಡುಪಿ: ಸ್ವಾವಲಂಬನೆ, ಆರೋಗ್ಯಪೂರ್ಣ ಚಟುವಟಿಕೆಗಳಲ್ಲಿ ತಮ್ಮನ್ನು  ತೊಡಗಿಸಿಕೊಳ್ಳುವುದು, ಹಿತಮಿತ ಆಹಾರ ಸೇವನೆ, ಪರಿಸರ ಸ್ವತ್ಛತೆ ನಿರ್ವಹಣೆ, ಲೈಂಗಿಕ ಸ್ವೇಚ್ಛಾಚಾರದಿಂದ ದೂರವಿರುವುದು – ಇವು ಮಹಿಳೆಯರ ಸಂತೃಪ್ತ ಜೀವನಕ್ಕೆ ಪೂರಕ ಅಂಶಗಳು ಎಂದು ಮಣಿಪಾಲದ ಸೋನಿಯಾ ಕ್ಲಿನಿಕ್‌ ಮತ್ತು ನರ್ಸಿಂಗ್‌ ಹೋಂನ ವೈದ್ಯೆ ಡಾ| ಗಿರಿಜಾ ಎ. ಅಭಿಪ್ರಾಯಪಟ್ಟರು.  

ಅವರು ಶ್ರೀ ಪೂರ್ಣಪ್ರಜ್ಞ ಸಂಧ್ಯಾ ಕಾಲೇಜಿನ ಮಹಿಳಾ ಸಬಲೀಕರಣ ಪ್ರಕೋಷ್ಠದ ಆಶ್ರಯದಲ್ಲಿ ಏರ್ಪಡಿಸಲಾದ ಮಹಿಳೆಯರದ ಆರೋಗ್ಯದ ಕುರಿತ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದರು. 

ಕಾಲೇಜಿನ ಪ್ರಾಂಶುಪಾಲೆ ಡಾ| ಸುಕನ್ಯಾ ಮೇರಿ ಅಧ್ಯಕ್ಷತೆ ವಹಿಸಿದ್ದರು.  ಪ್ರಕೋಷ್ಠದ ಸಂಯೋಜಕಿ ಲವಿಟಾ ಡಿ’ಸೋಜಾ ಮತ್ತು ವಿದ್ಯಾರ್ಥಿ ಪ್ರತಿನಿಧಿ ಶಿವಾನಿ ಯು. ಶ್ಯಾನ್‌ ಭಾಗ್‌ ಉಪಸ್ಥಿತರಿದ್ದರು. ಚೈತ್ರಾ ಕಿಣಿ ಸ್ವಾಗತಿಸಿದರು. ಅನುರಾಧಾ ಕಾರ್ಯಕ್ರಮ ನಿರ್ವಹಿಸಿದರು.