ವನಿತಾ ಟೆಸ್ಟ್‌ :ಭಾರತದೆದುರು ಇಂಗ್ಲೆಂಡ್‌ ಬ್ಯಾಟಿಂಗ್‌ ಮೇಲುಗೈ

ಬ್ರಿಸ್ಟಲ್‌: ಬುಧವಾರ ಇಲ್ಲಿ ಆರಂಭಗೊಂಡ ಭಾರತದೆದುರಿನ ವನಿತಾ ಟೆಸ್ಟ್‌ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್‌ ಬ್ಯಾಟಿಂಗ್‌ ಮೇಲುಗೈ ಸಾಧಿಸುವ ಲಕ್ಷಣ ಗೋಚರಿಸಿದೆ. ಚಹಾ ವಿರಾಮದ ವೇಳೆ 2 ವಿಕೆಟ್‌ ನಷ್ಟಕ್ಕೆ 161 ರನ್‌ ಪೇರಿಸಿ ಉತ್ತಮ ಮೊತ್ತದ ಸೂಚನೆ ನೀಡಿದೆ.

ಟಾಸ್‌ ಗೆದ್ದ ಇಂಗ್ಲೆಂಡ್‌ ಬ್ಯಾಟಿಂಗ್‌ ಆಯ್ದುಕೊಂಡಿತು. ಭಾರತದ ಬೌಲಿಂಗ್‌ ನಿರೀಕ್ಷಿತ ಪರಿಣಾಮ ಬೀರಲಿಲ್ಲ. ಜತೆಗೆ ಫೀಲ್ಡಿಂಗ್‌ ಕೂಡ ಕಳಪೆಯಾಗಿತ್ತು. ಸುಲಭದ ಕ್ಯಾಚ್‌ಗಳನ್ನು ಕೈಚೆಲ್ಲಿದ್ದು ಇಂಗ್ಲೆಂಡಿಗೆ ಲಾಭವಾಗಿ ಪರಿಣಮಿಸಿತು.

ಲಾರೆನ್‌ ವಿಂಡ್‌ಫಿàಲ್ಡ್‌ ಹಿಲ್‌ (35) ಮತ್ತು ಟಾಮಿ ಬ್ಯೂಮಂಟ್‌ (66) 20.3 ಓವರ್‌ಗಳಿಂದ 69 ರನ್‌ ಪೇರಿಸಿ ಉತ್ತಮ ಅಡಿಪಾಯ ನಿರ್ಮಿಸಿದರು. ಈ ಜೋಡಿಯನ್ನು ಪೂಜಾ ವಸ್ತ್ರಾಕರ್‌ ಮುರಿದರು. ಬಳಿಕ ಬ್ಯೂಮಂಟ್‌ ಹಾತ್ತು ನಾಯಕಿ ಹೀತರ್‌ ನೈಟ್‌ 71 ರನ್‌ ಜತೆಯಾಟ ನಡೆಸಿ ಇಂಗ್ಲೆಂಡ್‌ ಸರದಿಯನ್ನು ಇನ್ನಷ್ಟು ಗಟ್ಟಿಗೊಳಿಸಿದರು. ಅಪಾಯಕಾರಿಯಾಗಿ ಬೆಳೆಯುತ್ತಿದ್ದ ಬ್ಯೂಮಂಟ್‌ ಅವರನ್ನು ಪೆವಿಲಿಯನ್ನಿಗೆ ಅಟ್ಟುವ ಮೂಲಕ ಸ್ನೇಹಾ ರಾಣಾ ಟೆಸ್ಟ್‌ ವಿಕೆಟ್‌ ಖಾತೆ ತೆರೆದರು.