Women’s Asian Champions Trophy Hockey: ಫೈನಲ್‌ಗೆ ಲಗ್ಗೆ ಹಾಕಿದ ಭಾರತ; ಎದುರಾಳಿ ಚೀನ

ರಾಜ್‌ಗಿರ್‌ (ಬಿಹಾರ): ಹಾಲಿ ಚಾಂಪಿಯನ್‌ ಖ್ಯಾತಿಯ ಭಾರತ ತಂಡ ವನಿತಾ ಏಷ್ಯನ್‌ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಪಂದ್ಯಾವಳಿಯ ಫೈನಲ್‌ಗೆ ಲಗ್ಗೆ ಹಾಕಿದೆ. ಮಂಗಳವಾರದ ಸೆಮಿಫೈನಲ್‌ನಲ್ಲಿ ಸಲೀಮಾ ಟೇಟೆ ಪಡೆ ಜಪಾನ್‌ಗೆ 2-0 ಅಂತರದ ಸೋಲುಣಿಸಿತು.

ಬುಧವಾರದ ಪ್ರಶಸ್ತಿ ಕಾಳಗದಲ್ಲಿ ಭಾರತಕ್ಕೆ ಚೀನ ಎದುರಾಗಲಿದೆ. ಇನ್ನೊಂದು ಸೆಮಿಫೈನಲ್‌ನಲ್ಲಿ ಅದು ಮಲೇಷ್ಯಾವನ್ನು 3-1 ಅಂತರದಿಂದ ಮಣಿಸಿತು. ಲೀಗ್‌ ಹಂತದಲ್ಲಿ ಭಾರತ 3-0 ಗೋಲುಗಳಿಂದ ಚೀನವನ್ನು ಕೆಡವಿತ್ತು.

ಅಷ್ಟೇನೂ ಪ್ರಬಲವಲ್ಲದ ಜಪಾನ್‌ ವಿರುದ್ಧ ಭಾರತದ ಆಟ ನಿರೀಕ್ಷಿತ ಮಟ್ಟದಲ್ಲಿರಲಿಲ್ಲ. ಲೀಗ್‌ ಹಂತದಲ್ಲಿ ಜಪಾನ್‌ಗೆ 3-0 ಅಂತರದಿಂದ ಆಘಾತವಿಕ್ಕಿದ ಭಾರತಕ್ಕಿಲ್ಲಿ ಮೊದಲ 3 ಕ್ವಾರ್ಟರ್‌ಗಳಲ್ಲಿ ಗೋಲು ಬಾರಿಸಲು ಸಾಧ್ಯವಾಗಲೇ ಇಲ್ಲ. ಕೊನೆಗೆ 48ನೇ ನಿಮಿಷದಲ್ಲಿ ಉಪನಾಯಕಿ ನವನೀತ್‌ ಕೌರ್‌ ಪೆನಾಲ್ಟಿ ಸ್ಟ್ರೋಕ್‌ ಒಂದನ್ನು ಗೋಲಾಗಿ ಪರಿವರ್ತಿಸಿದರು. 56ನೇ ನಿಮಿಷದಲ್ಲಿ ಲಾಲ್ರೆಮಿÕಯಾಮಿ ಫೀಲ್ಡ್‌ ಗೋಲ್‌ ಒಂದನ್ನು ಬಾರಿಸಿದರು.

ಒಟ್ಟಾರೆಯಾಗಿ 13 ಪೆನಾಲ್ಟಿ ಕಾರ್ನರ್‌ಗಳನ್ನು ಭಾರತದ ಆಟಗಾರ್ತಿಯರು ವ್ಯರ್ಥಗೊಳಿಸಿದು. ಜಪಾನಿ ಗೋಲ್‌ಕೀಪರ್‌ ಯು ಕುಡೊ ಅಮೋಘ ಪ್ರದರ್ಶನ ನೀಡಿ ಭಾರತದ ಮೇಲುಗೈಗೆ ತಡೆಯೊಡ್ಡಿದರು.