ಶಾಸಕ ಅನ್ಸಾರಿಯತ್ತ ಚಪ್ಪಲಿ,ಬಿಂದಿಗೆ ತೂರಿದ ಮಹಿಳೆಯರು!

ಗಂಗಾವತಿ: ಸ್ವಕ್ಷೇತ್ರದಲ್ಲಿ ವಾರ್ಡ್‌ ಭೇಟಿಗೆ  ತೆರಳಿದ್ದ ಜೆಡಿಎಸ್‌ ಬಂಡಾಯ ಶಾಸಕ ಇಕ್ಬಾಲ್‌ ಅನ್ಸಾರಿ ಅವರತ್ತ ಮಹಿಳೆಯರು ಚಪ್ಪಲಿ, ಕೊಡಪಾನಗಳನ್ನು ತೂರಿದ ಘಟನೆ ಭಾನುವಾರ ರಾತ್ರಿ ನಡೆದಿದೆ. 

ಗಂಗಾವತಿ ಪಟ್ಟಣದ 28 ವಾರ್ಡ್‌ಗೆ ತೆರಳಿದ್ದ ಶಾಸಕ ಅನ್ಸಾರಿಗೆ ಮಹಿಳೆಯರು ಘೇರಾವ್‌ ಹಾಕಿದರು. ಭಾಷಣಕ್ಕೂ ಅಡ್ಡಿ ಪಡಿಸಿದರು. 

ಪ್ರದೇಶದಲ್ಲಿ ಶೌಚಾಲಯಗಳ ವ್ಯವಸ್ಥೆ ಸರಿಯಿಲ್ಲದೆ ಇರುವುದರಿಂದ ಮಹಿಳೆಯರು ಆಕ್ರೋಶ ಹೊರ ಹಾಕಿದ್ದಾರೆ ಎಂದು ತಿಳಿದು ಬಂದಿದೆ.

ಘಟನೆ ನಡೆದ ಬಳಿಕ ಸ್ಥಳದಲ್ಲಿದ್ದ ಪೊಲೀಸರು  ಲಘು ಲಾಠಿ ಪ್ರಹಾರ ನಡೆಸಿ ಉದ್ರಿಕ್ತರನ್ನು ಚದುರಿಸಿದರು.