ಪ್ರಜ್ಞಾಸ್ವಾಧಾರ ಗೃಹ: ಯುವತಿ ನಾಪತ್ತೆ

ಮಂಗಳೂರು: ಜಪ್ಪಿನಮೊಗರು ಪ್ರಜ್ಞಾ ಸ್ವಾಧಾರ ಗೃಹದಲ್ಲಿದ್ದ ರೂಪಾ (26) ಅವರು 2022ರ ಅಕ್ಟೋಬರ್‌ 15ರಿಂದ ನಾಪತ್ತೆಯಾಗಿದ್ದಾರೆ ಎಂದು ಕಂಕನಾಡಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮೂಲತಃ ಹಾಸನ ಜಿಲ್ಲೆ ಚೆನ್ನರಾಯಪಟ್ಟಣದ ಶ್ರವಣಬೆಳಗೊಳದ ಶ್ರೀಕಂಠ ನಗರ ನಿವಾಸಿಯಾಗಿದ್ದು, ಸುರತ್ಕಲ್‌ನ ಕಾನಾ ಇಡ್ಯಾದ ಬಾಡಿಗೆ ಮನೆಯಲ್ಲಿದ್ದರು. ಬಳಿಕ ಸುರತ್ಕಲ್‌ ಪೊಲೀಸರು ಜಪ್ಪಿನಮೊಗರು ಪ್ರಜ್ಞಾ ಸ್ವಾಧಾರ ಗೃಹಕ್ಕೆ ದಾಖಲಿಸಿದ್ದರು. ಅವರು ಕನ್ನಡ ಬಲ್ಲವರಾಗಿದ್ದಾರೆ. ಇವರ ಪತ್ತೆಯಾದಲ್ಲಿ ಕಂಕನಾಡಿ ನಗರ ಪೊಲೀಸ್‌ ಠಾಣೆ ಸಂಪರ್ಕಿಸುವಂತೆ ಪ್ರಕಟನೆ ತಿಳಿಸಿದೆ.