10,000 ರೂ. ಲಂಚ ಪಡೆಯುತ್ತಿದ್ದ ಮಹಿಳಾ ಅಧಿಕಾರಿ ಲೋಕಾ ಬಲೆಗೆ

ಇಂದೋರ್‌ : ವ್ಯಕ್ತಿಯೊಬ್ಬರ ಪತ್ನಿಗೆ ಅಂಗನವಾಡಿ ಕಾರ್ಯಕರ್ತೆಯಾಗಿ ನೇಮಕಾತಿ ಪತ್ರ ನೀಡುವುದಕ್ಕಾಗಿ 10,000 ರೂ. ಲಂಚ ತೆಗೆದುಕೊಂಡ ಮಹಿಳಾ ಮತ್ತು ಶಿಶು ಕಲ್ಯಾಣ ಇಲಾಖೆಯ ಮಹಿಳಾ ಅಧಿಕಾರಿಯೋರ್ವರನ್ನು ಇಂದಿಲ್ಲಿ ಲೋಕಾಯುಕ್ತ ಅಧಿಕಾರಿಗಳು ರೆಡ್‌ ಹ್ಯಾಂಡ್‌ ಆಗಿ ಹಿಡಿದರು. 

ರೋಹಿತ್‌ ದಾಮೋರ್‌ ಎಂಬವರ ಪತ್ನಿಗೆ ಅಂಗನವಾಡಿ ಕಾರ್ಯಕರ್ತೆಯಾಗಿ ನೇಮಕಾತಿ ಪತ್ರ ನೀಡಲು ಆರೋಪಿ ಮಹಿಳಾ ಅಧಿಕಾರಿ 30,000 ರೂ. ಲಂಚ ಕೇಳಿದ್ದರು. ಕೊನೆಗೆ ಮೊತ್ತವನ್ನು 10,000 ರೂ.ಗೆ ಇಳಿಸುವಲ್ಲಿ ಸಫ‌ಲರಾದ ರೋಹಿತ್‌ ಅವರು ಅಧಿಕಾರಿಗೆ ಲಂಚ ನೀಡುವಾಗಲೇ ರೆಡ್‌ ಹ್ಯಾಂಡ್‌ ಆಗಿ ಲೋಕಾಯುಕ್ತ ಅಧಿಕಾರಿಗಳು ಸೆರೆ ಹಿಡಿದರು. 

ಆರೋಪಿ ಮಹಿಳಾ ಅಧಿಕಾರಿ ವಿರುದ್ದ ಕೇಸುದಾಖಲಾಗಿದ್ದು ತನಿಖೆ ನಡೆಯುತ್ತಿದೆ.