ಅವಮಾನಕ್ಕೆ ಹೆದರಿ ನೇಣು ಬಿಗಿದುಕೊಂಡು ಅಫ್ಘಾನ್‌ ಮಹಿಳೆ ಆತ್ಮಹತ್ಯೆ

ಕಾಬೂಲ್‌:  ಮನೆಯಿಂದ ಓಡಿ ಹೋಗಿದ್ದಕ್ಕೆ  ತಾಲಿಬಾನಿ ಆಡಳಿತ ಸಾರ್ವಜನಿಕವಾಗಿ ಕಲ್ಲು ಹೊಡೆದು ಸಾಯಿಸುತ್ತಾರೆ. ಇದರಿಂದ ಅವಮಾನಕ್ಕೆ ಒಳಗಾಗುವ ಬದಲು ಸಾಯುವುದೇ ಉತ್ತಮ ಎಂದು ಭಾವಿಸಿ ಮಹಿಳೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಅಫ‌ಘಾನಿಸ್ತಾನದ ಘೋರ್‌ ಪ್ರಾಂತ್ಯದಲ್ಲಿ ನಡೆದಿದೆ.

ಮದುವೆಯಾದ ಪುರುಷನೊಬ್ಬನ ಜತೆಗೆ ಮಹಿಳೆ ಮನೆ ಬಿಟ್ಟು ಓಡಿ ಹೋಗಿದ್ದರು. ಈ ವಿಚಾರ ಸ್ಥಳೀಯ ಆಡಳಿತಕ್ಕೆ ಗೊತ್ತಾಗಿ ಆತನನ್ನು ಅ.13ರಂದು ಗಲ್ಲಿಗೇರಿಸಿದ್ದರು. ಅಫ‌ಘಾನಿಸ್ತಾನಲ್ಲಿ ಮಹಿಳೆಯರಿಗೆ ಪ್ರತ್ಯೇಕ ಕಾರಾಗೃಹ ಇಲ್ಲದ ಕಾರಣ ಓಡಿ ಹೋಗಿದ್ದ ಮಹಿಳೆಯನ್ನು ಅ.14ರಂದು ಸಾರ್ವಜನಿಕವಾಗಿ ಕಲ್ಲಿನಿಂದ ಹೊಡೆದು ಸಾಯಿಸಲು ಆದೇಶಿಸಲಾಗಿತ್ತು. ಆದರೆ ಸಾರ್ವಜನಿಕರಿಂದ ಆಗುವ ಅವಮಾನಕ್ಕೆ ಹೆದರಿ ಅದಕ್ಕೂ ಮೊದಲೇ ತನ್ನ ಸ್ಕಾರ್ಫ್‌ ನಿಂದ ಮಹಿಳೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಸ್ಥಳೀಯ ಸುದ್ದಿ ವಾಹಿನಿಗಳು ವರದಿ ಮಾಡಿವೆ.

ಅಘಘಾನಿಸ್ತಾನದ ವಿವಿಧ ಪ್ರಾಂತ್ಯದಲ್ಲಿ ಮಹಿಳೆಯರು ಮನೆ ಬಿಟ್ಟು ಓಡಿ ಹೋಗುತ್ತಿರುವ ಪ್ರಕರಣಗಳು ಹೆಚ್ಚುತ್ತಿವೆ. ಈ ರೀತಿ ಓಡಿ ಹೋದರೆ ಅವರಿಗೆ ತಾಲಿಬಾನಿಗಳು ಕಲ್ಲು ಹೊಡೆದು ಸಾಯಿಸುತ್ತಾರೆ.