ಮೂರನೇ ಮಹಡಿಯಿಂದ ಜಿಗಿದ ಮಹಿಳೆಯ ಪ್ರಾಣ ಕಾಪಾಡಿದ ಸುರಕ್ಷಾ ಬಲೆ!

ಮುಂಬಯಿ: ದಕ್ಷಿಣ ಮುಂಬಯಿನಲ್ಲಿರುವ ಮಹಾರಾಷ್ಟ್ರ ವಿಧಾನಸಭೆ ಕಟ್ಟಡದ ಮೂರನೇ ಮಹಡಿಯಿಂದ ಮಹಿಳೆ ಜಿಗಿದು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ಕಟ್ಟಡಕ್ಕೆ ಹಾಕಿದ್ದ ಸುರಕ್ಷತಾ ಬಲೆಯ ಕಾರಣ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಹಿಳೆ ಥಾಣೆ ಜಿಲ್ಲೆಯ ಉಲ್ಲಾಸ್‌ನಗರದ ನಿವಾಸಿ. ಮಹಿಳೆ ಮತ್ತು ಆಕೆಯ ಪತಿ ವಿರುದ್ಧ ಸರಕಾರಿ ನೌಕರನ ಮೇಲೆ ಹಲ್ಲೆ ನಡೆಸಿದ ಆರೋಪದ ಹಿನ್ನೆಲೆಯಲ್ಲಿ ಕೇಸು ದಾಖಲಿಸಲಾಗಿತ್ತು. ಕೆಲ ದಿನಗಳ ಹಿಂದಷ್ಟೇ ವಿಧಾನಸಭೆಯ ಐದನೇ ಮಹಡಿಯಿಂದ ಹಾರಿ ಆತ್ಮಹತ್ಯೆಗೆ ಪ್ರಯತ್ನಿಸಿದ್ದರು. ಅದಾದ ಬಳಿಕ ಕಟ್ಟಡಕ್ಕೆ ಬಲೆ ಹಾಕಲಾಗಿತ್ತು