ಹೆಚ್ಚಿನ ವರದಕ್ಷಿಣೆಗಾಗಿ ಮಹಿಳೆಯನ್ನು ಚಚ್ಚಿ ಕೊಲೆ; ಪತಿ ಅರೆಸ್ಟ್‌

ಮುಜಫ‌ರನಗರ : ಹೆಚ್ಚಿನ ವರದಕ್ಷಿಣೆಗಾಗಿ ಪತಿ, ಮಾವ ಮತ್ತು ನಾದಿನಿ ಕೂಡಿಕೊಂಡು ಮಹಿಳೆಯನ್ನು ಹೊಡೆದು ಚಚ್ಚಿ ಕೊಂದ ಅತ್ಯಮಾನುಷ ಘಟನೆ ಉತ್ತರ ಪ್ರದೇಶದ ಶಾಮ್ಲಿ ಜಿಲ್ಲೆಯ ಬಲಹೇಡಾ ಗ್ರಾಮದಲ್ಲಿ ನಡೆದಿದೆ.

ಝಿಂಝಾನಾ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ನಿನ್ನೆ ಬುಧವಾರ, ರೂಮಾ ಎಂಬ ವಿವಾಹಿತ ಮಹಿಳೆಯನ್ನು ಹೊಡೆದು ಕೊಲ್ಲಲಾಯಿತೆಂದು ಪೊಲೀಸರು ತಿಳಿಸಿದ್ದಾರೆ.

ಈ ಸಂಬಂಧ ಕೇಸು ದಾಖಲಿಸಿಕೊಂಡಿರುವ ಪೊಲೀಸರು ಮಹಿಳೆಯ ಪತಿ ಅಛಿನ್‌ ಕುಮಾರ್‌, ಮಾವ ಛುಹಾದ್‌ ಸಿಂಗ್‌ ಮತ್ತು ನಾದಿನಿ ಸೋನಿಯಾ ಇವರನ್ನು ಬಂಧಿಸಿರುವುದಾಗಿ ತಿಳಿದು ಬಂದಿದೆ.

ರೂಮಾ, ಅಛಿನ್‌ ನನ್ನು ಮೂವರು ವರ್ಷಗಳ ಹಿಂದೆ ಮದುವೆಯಾಗಿದ್ದಳು. ಮದುವೆಯಾದಂದಿನಿಂದಲೂ ಪತಿ, ಮಾವ, ನಾದಿನಿ ಹೆಚ್ಚಿನ ವರದಕ್ಷಿಣೆಗಾಗಿ ರೂಮಾ ಳನ್ನು ಹಿಂಸಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.