ಮುಜಫ‌ರನಗರ: ಬಿಜೆಪಿ ನಾಯಕನ ಕೊಲೆ ಆರೋಪಿ ಮಹಿಳೆ ಸೆರೆ

ಮುಜಫ‌ರನಗರ : ಸ್ಥಳೀಯ ಬಿಜೆಪಿ ನಾಯಕನೋರ್ವನ ಕೊಲೆಗೆ ಸಂಬಂಧಿಸಿ ಮಹಿಳೆಯೋರ್ವಳನ್ನು ಪೊಲೀಸರು ಜಿಲ್ಲೆಯಲ್ಲಿ ಬಂಧಿಸಿದ್ದಾರೆ.

ಬಿಜೆಪಿ ನಾಯಕ ಶೋಭಾ ರಾಮ್‌ ಅವರ ಕೊಲೆ ನಡೆದಂದಿನಿಂದ ಆರೋಪಿ ಸರೋಜ್‌ ಎಂಬ ಮಹಿಳೆಯು ನಾಪತ್ತೆಯಾಗಿದ್ದಳು. ಈ ವರ್ಷ ಜನವರಿ 26ರಂದು ಮುಜಫ‌ರನಗರ ಜಿಲ್ಲೆಯ ನಗ್ಲಾ ಗ್ರಾಮದಲ್ಲಿ  ಗುಂಡಿಕ್ಕಿ ಕೊಲೆಗೈಯಲಾಗಿದ್ದ ತನ್ನ ಪುತ್ರನ ಹತ್ಯೆಗೆ ಶೋಭಾ ರಾಮ್‌ ಪ್ರತ್ಯಕ್ಷದರ್ಶಿಯಾಗಿದ್ದರು. 

ಪೊಲೀಸರು ಶೋಭಾ ರಾಮ್‌ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಸರೋಜ್‌ ಸಹಿತ ನಾಲ್ವರು ಆರೋಪಿಗಳ ವಿರುದ್ಧ ಕೇಸು ದಾಖಲಿಸಿಕೊಂಡಿದ್ದರು.