ವಿಶ್ವದ ಹಿರಿಯಾನೆ ಸಾವು

ತಿರುವನಂತಪುರಂ: ವಿಶ್ವದ ಅತಿ ಹಿರಿಯ ಆನೆ ಎಂದು ಗಿನ್ನಿಸ್‌ ಸಂಸ್ಥೆಯ ಮಾನ್ಯತೆ ಪಡೆದಿದ್ದ “ಚೆಂಕಲೂರ್‌ ದಾಕ್ಷಾಯಿಣಿ’ (88) ಎಂಬ ಹೆಣ್ಣಾನೆ, ಬುಧವಾರ ಮೃತಪಟ್ಟಿದೆ. ಅನಾರೋಗ್ಯದಿಂದ ಬಳಲುತ್ತಿದ್ದ ಈ ಆನೆಯನ್ನು ತಿರುವಾಂಕೂರು ದೇವಸ್ವಂ ಮಂಡಳಿ (ಟಿಬಿಡಿ) ನೋಡಿಕೊಳ್ಳುತ್ತಿತ್ತು. ಸತ್ಯಂ ನಗರದ ಪಪ್ಪಣಂಕೊಡೆಯಲ್ಲಿರುವ ಆನೆ ಶಿಬಿರದಲ್ಲಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಅದು ಚೆಂಕಲ್ಲೂರಿನಲ್ಲಿರುವ ಮಹಾದೇವ ದೇಗುಲದಲ್ಲಿ ಇಳಿ ವಯಸ್ಸಿನಲ್ಲಿ ಸೇವೆ ಸಲ್ಲಿಸುತ್ತಿತ್ತು. ಟಿಬಿಡಿ ದಾಖಲೆಗಳ ಪ್ರಕಾರ, ಆನೆಗೆ 5 ವರ್ಷ ವಯಸ್ಸಾಗಿದ್ದಾಗಲೇ ತಿರುವರಟ್ಟು ಕಾವು ಶಿಬಿರಕ್ಕೆ ತಿರುವಾಂಕೂರು ರಾಜಮನೆತನದವರು ದತ್ತು ನೀಡಿದ್ದರು. 50 ವರ್ಷಗಳಿಂದ ಇದೇ ದೇಗುಲದ ಸೇವೆಗಳಿಗೆ ಬಳಕೆಯಾಗುತ್ತಿತ್ತು.