ಮುಂದಿನ ವರ್ಷದಿಂದ ಟಿಪ್ಪು ಬದಲು ಒಡೆಯರ್ ಜಯಂತಿ; ಪ್ರತಾಪ್ ಸಿಂಹ

ಮೈಸೂರು; ಮುಂದಿನ ವರ್ಷದಿಂದ ಟಿಪ್ಪು ಬದಲು ಒಡೆಯರ್ ಜಯಂತಿ ಆಚರಿಸಲಾಗುವುದು. ಇದೇ ಕೊನೆಯ ಟಿಪ್ಪು ಸುಲ್ತಾನ್ ಜಯಂತಿ ಆಚರಣೆಯಾಗಲಿದೆ ಎಂದು ಸಂಸದ ಪ್ರತಾಪ್ ಸಿಂಹ ತಿಳಿಸಿದ್ದಾರೆ.

ಸೋಮವಾರ ಮೈಸೂರಿನಲ್ಲಿ ಸುದ್ದಿಗಾರರ ಜತೆ ಮಾತನಾಡಿದ ಅವರು, ಟಿಪ್ಪು ಸುಲ್ತಾನ್ ಹೇಳಿಕೊಳ್ಳುವಂತಹ ಅಭಿವೃದ್ಧಿ ಕೆಲಸ ಮಾಡಿಲ್ಲ, ಆತನ ಟಿಪ್ಪು ಡ್ರಾಪ್ ಮಾತ್ರ ಬಹಳ ಹೆಸರುವಾಸಿಯಾಗಿದೆ ಎಂದರು.

ಮೈಸೂರಿನ ಯದುವಂಶ ಒಡೆಯರ್ ಅವರ ಕೊಡುಗೆ ಅಪಾರವಾದದ್ದು, ಆ ನಿಟ್ಟಿನಲ್ಲಿ ಮುಂದಿನ ವರ್ಷದಿಂದ ಬಿಜೆಪಿ ಒಡೆಯರ್ ಜಯಂತಿ ಆಚರಿಸಲಿದೆ ಎಂದು ಹೇಳಿದರು.