Advertisement
ಕೆ.ಎಲ್‌. ರಾಹುಲ್‌ ಸಂಪೂರ್ಣ ಫಿಟ್‌ನೆಸ್‌ನೊಂದಿಗೆ ಮರಳಿದ್ದರಿಂದ ಅವರು ಶಿಖರ್‌ ಧವನ್‌ ಜತೆ ಇನ್ನಿಂಗ್ಸ್‌ ಆರಂಭಿಸುವುದು ಖಚಿತ. ಆಗ ಮತ್ತೋರ್ವ ಓಪನರ್ ಶುಭಮನ್‌ ಗಿಲ್‌ ಅವರನ್ನು 3ನೇ ಸ್ಥಾನದಲ್ಲಿ ಆಡಿಸಬೇಕು ಎಂಬುದಾಗಿ ಮಾಜಿಗಳನೇಕರು ಸಲಹೆ ನೀಡಿದ್ದಾರೆ.
ಕಳೆದ ವೆಸ್ಟ್‌ ಇಂಡೀಸ್‌ ಎದುರಿನ ಸರಣಿ ವೇಳೆ ಆರಂಭಿಕನಾಗಿ ಇಳಿದಿದ್ದ ಶುಭಮನ್‌ ಗಿಲ್‌ ಮೂರೂ ಪಂದ್ಯಗಳಲ್ಲಿ ಅಮೋಘ ಬ್ಯಾಟಿಂಗ್‌ ಪ್ರದರ್ಶನ ನೀಡಿದ್ದರು. ಕ್ರಮವಾಗಿ 64, 43 ಮತ್ತು ಅಜೇಯ 98 ರನ್‌ ಬಾರಿಸಿ ಭಾರತದ ಸರಣಿ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಹೀಗಾಗಿ ಗಿಲ್‌ ಆಡುವ ಬಳಗದ ಖಾಯಂ ಸದಸ್ಯರ ಯಾದಿಯಲ್ಲಿದ್ದಾರೆ. 2023ರ ಏಕದಿನ ವಿಶ್ವಕಪ್ ಕ್ರಿಕೆಟ್‌ ಪಂದ್ಯಾವಳಿಯ ಹಿನ್ನೆಲೆಯಲ್ಲಿ ಗಿಲ್‌ ಅವರ ಫಾರ್ಮ್ ಭಾರತದ ಪಾಲಿಗೆ ನಿರ್ಣಾಯಕ.
Related Articles
Advertisement
ಇಲ್ಲಿ ಶಿಖರ್‌ ಧವನ್‌ ಫಾರ್ಮ್ ಕೂಡ ನಿರ್ಣಾಯಕ ಪಾತ್ರ ವಹಿಸಲಿದೆ ಎಂಬುದು ದೀಪ್‌ ದಾಸ್‌ಗುಪ್ತ ಅವರ ಲೆಕ್ಕಾಚಾರ. ಧವನ್‌ ಫಾರ್ಮ್ನಲ್ಲಿಲ್ಲವಾದರೆ ಗಿಲ್‌ ಇನ್ನಿಂಗ್ಸ್‌ ಆರಂಭಿಸುವುದು ಅನಿವಾರ್ಯವಾಗುತ್ತದೆ. 2023ರ ವಿಶ್ವಕಪ್‌ಗೆ ಆರಂಭಿಕ ನಾಗುವ ನಿಟ್ಟಿನಲ್ಲಿ ಗಿಲ್‌ ಬೆಳೆಯುತ್ತಿದ್ದಾರೆ ಎಂದರು.