Advertisement
ಇದು ಕಳೆದ ವರ್ಷದ ವಿಂಬಲ್ಡನ್‌ ಫೈನಲ್ ಪಂದ್ಯದ ಪುನರಾವರ್ತನೆ ಆಗಿತ್ತು. 2023ರಲ್ಲಿ ಜೊಕೋವಿಕ್‌ ವಿರುದ್ಧವೇ 5 ಸೆಟ್‌ಗಳ ಹೋರಾಟ ನಡೆಸಿ ಗೆದ್ದ ಅಲ್ಕರಾಜ್ ಮೊದಲ ಬಾರಿಗೆ ವಿಂಬಲ್ಡನ್‌ ರಾಜನಾಗಿ ಪಟ್ಟವೇರಿದ್ದರು. ಅಂದು ಜೊಕೋವಿಕ್‌ 4 ಬಾರಿಯ ಹಾಲಿ ಚಾಂಪಿಯನ್ ಆಗಿದ್ದರು.
ಸಾಮಾನ್ಯವಾಗಿ ಜೊಕೋ ಇಂಥ ಹೈ ವೋಲ್ಟೆಜ್‌ ಫೈನಲ್‌ನಲ್ಲಿ ಯಾವತ್ತೂ ನೇರ ಸೆಟ್‌ಗಳಲ್ಲಿ ಮುಗ್ಗರಿಸುವವರಲ್ಲ. ಮೊದಲ ಸೆಟ್‌ ಸೋತ ಬಳಿಕ ತಿರುಗಿ ಬಿದ್ದು ಎದುರಾಳಿಯನ್ನು ನರ್ವಸ್‌ ಮಾಡುವುದು ಇವರ ತಂತ್ರಗಾರಿಕೆ. ಆದರೆ ಇಲ್ಲಿ ಅಲ್ಕರಾಜ್ ಇಂಥ ಯಾವ ಗೇಮ್‌ಪ್ಲ್ರಾನ್‌ಗೂ ಅವಕಾಶ ಕೊಡಲಿಲ್ಲ. ಜೊಕೋ ಕುಸಿಯುತ್ತಲೇ ಹೋದರು. ಇವರ ಆಟ ಕಂಡಾಗ, “ನನ್ನ ಕಾಲವಿನ್ನು ಮುಗಿಯಿತು’ ಎಂಬ ಸೂಚನೆ ನೀಡಿದಂತಿತ್ತು.
Related Articles
Advertisement
ಅಲ್ಕರಾಜ್ ಕಳೆದ ತಿಂಗಳು ಫ್ರೆಂಚ್ ಓಪನಲ್ಲಿಯೂ ಚಾಂಪಿಯನ್ ಆಗಿದ್ದರು. ಆವೆ ಮಣ್ಣಿನ ಅಂಗಣದಲ್ಲಿ ನಡೆದ ಆ ಟೂರ್ನಿಯಲ್ಲಿ ಟ್ರೋಫಿ ಗೆದ್ದು ಸತತ ಎರಡನೇ ಟ್ರೋಫಿ ಗೆದ್ದು ಸಾಧನೆ ಮಾಡಿದರು. ಈ ಯುವ ಟೆನಿಸ್ ಪಟು 2022ರ ಯುಎಸ್ ಓಪನ್ ಮೂಲಕ ತನ್ನ ಮೊದಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದಿದ್ದರು. ಅದೇ ರೀತಿ ಪ್ರಮುಖ ಫೈನಲ್ ಪಂದ್ಯಕ್ಕೆ ಪ್ರವೇಶಿಸಿದ ಬಳಿಕ 4 0 ಗೆಲುವು ಸೋಲಿನ ಅಂತರದ ಸಾಧನೆಯೂ ತಮ್ಮದಾಗಿಸಿಕೊಂಡರು.
4ನೇ ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಇದು ಕಾರ್ಲೋಸ್‌ ಅಲ್ಕರಾಜ್ಗೆ ಒಲಿದ 2ನೇ ವಿಂಬಲ್ಡನ್‌ ಹಾಗೂ 4ನೇ ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿ. ಅವರು ಈ ವರ್ಷದ ಫ್ರೆಂಚ್ ಓಪನ್ ಚಾಂಪಿಯನ್ ಕೂಡ ಹೌದು. 2022ರಲ್ಲಿ ಯುಎಸ್ ಓಪನ್ ಪ್ರಶಸ್ತಿ ಜಯಿಸಿದ್ದರು.