Advertisement

ನೋ ಬಾಲ್ ಅಲ್ಲ, ಆದರೂ ಒಂದೇ ಎಸೆತಕ್ಕೆ 7 ರನ್..: ವಿಡಿಯೋ ನೋಡಿ

02:33 PM Jan 09, 2022 | Team Udayavani |

ಕ್ರೈಸ್ಟ್ ಚರ್ಚ್: ನ್ಯೂಜಿಲ್ಯಾಂಡ್ ಮತ್ತು ಬಾಂಗ್ಲಾದೇಶ ನಡುವಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಕಿವೀಸ್ ಆಟಗಾರ ವಿಲ್ ಯಂಗ್ ಒಂದೇ ಎಸೆತಕ್ಕೆ ಏಳು ರನ್ ಗಳಿಸಿದ್ದಾರೆ. ಬಾಂಗ್ಲಾ ಬೌಲರ್ ಗಳ ಫೀಲ್ಡಿಂಗ್ ತಪ್ಪಿನಿಂದಾಗಿ ಏಳು ರನ್ ಬಂದಿದೆ.

Advertisement

ಇಬಾದತ್ ಹುಸೇನ್ ಬೌಲಿಂಗ್ ನಲ್ಲಿ ವಿಲ್ ಯಂಗ್ ಹೊಡೆದ ಶಾಟ್ ಎಡ್ಜ್ ಆಗಿ ಎರಡನೇ ಸ್ಲಿಪ್ ಗೆ ಹೋಯಿತು. ಆದರೆ ಸ್ಲಿಪ್ ಫೀಲ್ಡರ್ ಕ್ಯಾಚ್ ಬಿಟ್ಟು ಚೆಂಡು ಬೌಂಡರಿ ಕಡೆಗೆ ಹೋಗಿತು. ಕ್ರೀಸ್ ನಲ್ಲಿದ್ದ ಯಂಗ್ ಮತ್ತು ಟಾಮ್ ಲ್ಯಾಥಂ ಮೂರು ರನ್ ಓಡಿದರು. ಆದರೆ ಫೀಲ್ಡರ್ ಎಸೆದ ಚೆಂಡು ಮಿಸ್ ಫೀಲ್ಡ್ ಆಗಿ ಲಾಂಗಾನ್ ಬೌಂಡರಿ ಸೇರಿತು. ಓಡಿದ ಮೂರು ರನ್ ಮತ್ತು ಹೆಚ್ಚುವರಿ ಬೌಂಡರಿ ಸೇರಿ ಏಳು ರನ್ ಕಿವೀಸ್ ಪಾಲಾಯಿತು.

ಇದನ್ನೂ ಓದಿ:ರಶ್ಮಿಕಾ ಮಂದಣ್ಣ ಅಲ್ಲ, ರಶ್ಮಿಕಾ ಮಡೋನಾ.. ಇದು ಪುಷ್ಪ ತಂಡದ ಎಡವಟ್ಟು!

ಮೊದಲ ಟೆಸ್ಟ್ ನಲ್ಲಿ ಸೋಲನುಭವಿಸಿ ಅವಮಾನ ಅನುಭವಿಸಿದ್ದ ನ್ಯೂಜಿಲ್ಯಾಂಡ್ ಎರಡನೇ ಪಂದ್ಯದಲ್ಲಿ ಭರ್ಜರಿ ಕಮ್ ಬ್ಯಾಕ್ ಮಾಡಿದೆ. ನಾಯಕ ಟಾಮ್ ಲ್ಯಾಥಂ ಅಜೇಯ ಶತಕ ಬಾರಿಸಿದ್ದು, ಡೆವೋನ್ ಕಾನ್ವೆ ಅಜೇಯ 99 ರನ್ ಗಳಿಸಿ ಕ್ರೀಸ್ ನಲ್ಲಿದ್ದಾರೆ. ಮೊದಲ ದಿನದ ಅಂತ್ಯದಲ್ಲಿ ಒಂದು ವಿಕೆಟ್ ಅಂತ್ಯಕ್ಕೆ 349 ರನ್ ಗಳಿಸಿದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next