Rohit Sharma; ಸಿಡ್ನಿ ಟೆಸ್ಟ್‌  ಬಳಿಕ ರೋಹಿತ್‌ ವಿದಾಯ?

ಮೆಲ್ಬರ್ನ್: ಭಾರತ ಮೆಲ್ಬರ್ನ್ನಲ್ಲಿ ಸೋಲುತ್ತಿದ್ದಂತೆಯೇ ನಾಯಕ ರೋಹಿತ್‌ ಶರ್ಮ, ವಿರಾಟ್‌ ಕೊಹ್ಲಿ ಟೆಸ್ಟ್‌ ನಿವೃತ್ತಿ ಬಗ್ಗೆ ಚರ್ಚೆಗಳು ಶುರುವಾಗಿವೆ. ಮೂಲಗಳ ಪ್ರಕಾರ ರೋಹಿತ್‌ ಈಗಾಗಲೇ ಟೆಸ್ಟ್‌ ನಿವೃತ್ತಿಗೆ ನಿರ್ಧರಿಸಿದ್ದು, ಸಿಡ್ನಿ ಪಂದ್ಯವೇ ಅವರ ಕೊನೆಯ ಟೆಸ್ಟ್‌ ಆಗುವ ಸಾಧ್ಯತೆ ಹೆಚ್ಚು.

ಒಂದು ವೇಳೆ ಸಿಡ್ನಿಯಲ್ಲಿ ಗೆದ್ದು, ಬೇರೆ ಬೇರೆ ಲೆಕ್ಕಾಚರಗಳು ಪೂರಕವಾಗಿ, ಭಾರತ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ಗೆ ಏರಿದರೆ ಅಲ್ಲಿಯವರೆಗೆ ರೋಹಿತ್‌ ತಂಡದಲ್ಲಿ ಮುಂದುವರಿಯಲೂಬಹುದು.

ಇನ್ನು ವಿರಾಟ್‌ ಕೊಹ್ಲಿ ವಿಚಾರ. ಪರ್ತ್‌ ಟೆಸ್ಟ್‌ ಹೊರತುಪಡಿಸಿ ಬೋರ್ಡರ್‌-ಗಾವಸ್ಕರ್‌ ಸರಣಿಯ ಉಳಿದೆಲ್ಲ ಪಂದ್ಯಗಳಲ್ಲಿ ವಿಫ‌ಲರಾದರೂ ನಿವೃತ್ತಿ ವಿಚಾರದಲ್ಲಿ ಕೊಹ್ಲಿ ಹೆಸರು ಮುಂಚೂಣಿಯಲ್ಲಿಲ್ಲ.