Ravichandran; ಹತ್ತು ದಿನದಲ್ಲಿ ಪ್ರೇಮಲೋಕ-2 ಅಪ್ಡೇಟ್‌

ರವಿಚಂದ್ರನ್‌ ಅವರ “ಪ್ರೇಮಲೋಕ-2′ ಚಿತ್ರ ಅವರ ಹುಟ್ಟುಹಬ್ಬ ದಿನ (ಮೇ 30) ಸೆಟ್ಟೇರುತ್ತದೆ ಎಂದು ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದರು. ಆದರೆ ಆ ಚಿತ್ರದ ಯಾವುದೇ ಅಪ್‌ಡೇಟ್‌ ಬಂದಿಲ್ಲ. ಯಾಕಾಗಿ ಎಂಬ ಪ್ರಶ್ನೆಗೆ ರವಿಚಂದ್ರನ್‌ ಉತ್ತರಿಸಿದ್ದಾರೆ.

“ಪ್ರೇಮಲೋಕ-2 ಚಿತ್ರದ ಟ್ರೇಲರ್‌ ರೆಡಿ. ಒಂದೇ ದಿನ ಗೊಂದಲ ಆಗೋದು ಬೇಡ ಎಂಬ ಕಾರಣಕ್ಕೆ ಬರ್ತ್‌ಡೇ ದಿನ ಬಿಟ್ಟಿಲ್ಲ. ಅದಕ್ಕಾಗಿ ಒಂದು ದೊಡ್ಡ ಸಮಾರಂಭವಿದೆ. ಆ ಕುರಿತಾದ ಸಾಕಷ್ಟು ವಿಚಾರಗಳನ್ನು ನಾನು ಹಂಚಿಕೊಳ್ಳಲಿದ್ದೇನೆ. ಇನ್ನೇನು 10 ದಿನಗಳಲ್ಲಿ ನಿಮ್ಮ ಕುತೂಹಲ, ಪ್ರಶ್ನೆಗಳಿಗೆ ತೆರೆಎಳೆಯುತ್ತೇನೆ’ ಎಂದಿದ್ದಾರೆ.

ಇನ್ನು, “ಪ್ರೇಮಲೋಕ-2′ ಚಿತ್ರದಲ್ಲಿ ರವಿಚಂದ್ರನ್‌ ಹಾಗೂ ಅವರ ಇಬ್ಬರು ಪುತ್ರರು ಜೊತೆಯಾಗಿ ನಟಿಸುತ್ತಿದ್ದಾರೆ. ಅಭಿಮಾನಿಗಳ ಜೊತೆ ಬರ್ತ್‌ಡೇ ರವಿಚಂದ್ರನ್‌ ತಮ್ಮ 63ನೇ ಹುಟ್ಟುಹಬ್ಬವನ್ನು ಅಭಿಮಾನಿಗಳ ಜೊತೆ ಆಚರಿಸಿದ್ದಾರೆ. ರಾಜಾಜಿ ನಗರದ ಮನೆ ಮುಂದೆ ಸೇರಿದ್ದ ಅಭಿಮಾನಿಗಳ ಜೊತೆ ಹುಟ್ಟುಹಬ್ಬ ಆಚರಿಸಿ, ಫೋಟೋ ನೀಡಿದ್ದಾರೆ.