ಕಾಡು ಪ್ರಾಣಿ ದಾಳಿ: ಕೋಲಾರದ ಯೋಧ ಗುಜರಾತ್‌ನಲ್ಲಿ ಸಾವು

ಕೋಲಾರ: ಗುಜರಾತ್‌ನ ಜಾಮ್‌ ನಗರದ ನೌಕಾಪಡೆಯ ಕ್ಯಾಂಪ್‌ನಲ್ಲಿ ತರಬೇತಿಯಲ್ಲಿದ್ದ ಕೋಲಾರದ ಗಲ್‌ಪೇಟೆ ನಿವಾಸಿ  ಹರ್ಷಿತ್‌ (22) ಅವರು ಮಾ. 12ರಂದು ಕಾಡುಪ್ರಾಣಿಯೊಂದರ ದಾಳಿಗೆ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ.

4 ವರ್ಷಗಳ ಹಿಂದೆ ನೌಕಾಪಡೆಗೆ ಸೇರಿದ್ದ ಅವರು ವಿವಿಧ ಹಂತಗಳ ತರಬೇತಿ ಮುಗಿಸಿ ಉನ್ನತ ಹುದ್ದೆಗೇರುವ ಗುರಿಯೊಂದಿಗೆ  ಜಾಮ್‌ ನಗರದ ನೌಕಾಪಡೆಯ ಕ್ಯಾಂಪ್‌ನಲ್ಲಿ ಇತ್ತೀಚೆಗಷ್ಟೇ ತರಬೇತಿಗಾಗಿ ಸೇರಿದ್ದರು. ಕಾಡುಪ್ರಾಣಿ ನೀಲ್ಗಾಯ್‌ನ ಮರಿಗಳು ಪ್ಲಾಸ್ಟಿಕ್‌ ತಿನ್ನಲು ಹೋಗುತ್ತಿದ್ದುದನ್ನು  ತಡೆಯುವ ವೇಳೆ ಅಲ್ಲಿಗೆ ಬಂದ ಆ ಮರಿಗಳ ತಾಯಿ ದಾಳಿ ನಡೆಸಿದೆ ಎಂದು ತಿಳಿದುಬಂದಿದೆ.