Rahul Gandhi ಅವರಿಗೇಕೆ ಹಿಂದೂಗಳೆಂದರೆ ಇಷ್ಟೊಂದು ದ್ವೇಷ?: ಬಿಜೆಪಿ ಕಿಡಿ

ನವದೆಹಲಿ: ಬಿಜೆಪಿ ವರಿಷ್ಠ ಎಲ್‌.ಕೆ.ಅಡ್ವಾಣಿ ಆರಂಭಿಸಿದ ರಾಮಮಂದಿರ ಚಳವಳಿಯು ಅಯೋಧ್ಯೆಯಲ್ಲಿ ಸೋತುಬಿಟ್ಟಿದೆ ಎಂದಿದ್ದ ಲೋಕಸಭೆ ವಿಪಕ್ಷ ನಾಯಕ ರಾಹುಲ್‌ ಗಾಂಧಿ ವಿರುದ್ಧ ಬಿಜೆಪಿ ಕಿಡಿಕಾರಿದೆ.

ಈ ಕುರಿತು ಟ್ವೀಟ್‌ ಮಾಡಿರುವ ಬಿಜೆಪಿ ಐಟಿ ಸೆಲ್‌ ಮುಖ್ಯಸ್ಥ ಅಮಿತ್‌ಮಾಳವೀಯ, “ಬಾಲಿಶವಾಗಿ ವರ್ತಿಸುವ ರಾಹುಲ್‌, ಇಂಡಿಯಾ ಕೂಟ ರಾಮಮಂದಿರ ಚಳವಳಿ ಸೋತಿದೆ ಎನ್ನುತ್ತಿದ್ದಾರೆ. ಹಿಂದೂಗಳ ವಿರುದ್ಧ ಅವರಿಗೇ ಕಿಷ್ಟು ದ್ವೇಷ? ರಾಮನ ಅಸ್ತಿತ್ವ ಅಳಿಸುತ್ತೇವೆಂದವರು ನಶಿಸಿದ್ದು ರಾಮಭಕ್ತರು ಉಳಿದಿದ್ದಾರೆ’ ಎಂದಿದ್ದಾರೆ.

ಪಿತೂರಿ ಅರ್ಥೈಸಿಕೊಳ್ಳಿ!
ದೊಡ್ಡ ಹುದ್ದೆಯಲ್ಲಿದ್ದವರೇ ಹಿಂದೂಗಳು ಹಿಂಸಾಕೋರರು ಅಥವಾ ಸನಾತನ ಧರ್ಮವನ್ನೇ ನಿರ್ಮೂಲನೆ ಮಾಡಿ ಎಂದೋ ಹೇಳುತ್ತಿದ್ದಾರೆಂದರೆ, ಅದರ ಹಿಂದಿನ ಪಿತೂರಿಯನ್ನು ಅರ್ಥ ಮಾಡಿಕೊ ಳ್ಳಬೇಕು ಎಂದು ಬಿಜೆಪಿ ಮಾಜಿ ವಕ್ತಾರೆ ನೂಪುರ್‌ ಶರ್ಮಾ ಹೇಳಿದ್ದಾರೆ. ಅಲ್ಲದೇ, ಹಿಂದೂಗಳು ಹಿಂಸಾಕೋರ ರೇ ಆಗಿದಿದ್ದರೆ ಇಂದು ಹಿಂದೂ ಹೆಣ್ಣುಮಗಳೊಬ್ಬಳು ತನ್ನ ದೇಶದಲ್ಲೇ ಸದಾ ಭದ್ರತೆ ಜತೆ ಬದುಕುವ ಪರಿಸ್ಥಿತಿ ಇರುತ್ತಿರಲಿಲ್ಲ. ಈ ದೇಶವನ್ನು ಇಲ್ಲಿನ ಸಂವಿಧಾನ ಆಳುತ್ತಿದೆ ವಿನಾ ಷರಿಯಾ ಅಲ್ಲ ಎಂದೂ ಟ್ವೀಟ್‌ ಮಾಡಿದ್ದಾರೆ.