WHO ಕಳವಳ; ಲೈಂಗಿಕತೆ ಮೂಲಕ ಹರಡುವ ರೋಗಕ್ಕೆ ವರ್ಷಕ್ಕೆ 25 ಲಕ್ಷ ಬಲಿ

ವಿಶ್ವಸಂಸ್ಥೆ: ಲೈಂಗಿಕತೆಯ ಮೂಲಕ ಹರಡುವ ರೋಗಗಳಿಗೆ ವಾರ್ಷಿಕವಾಗಿ 25 ಲಕ್ಷ ಜನ ಸಾವಿಗೀಡಾಗುತ್ತಿದ್ದಾರೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಕಳವಳ ವ್ಯಕ್ತಪಡಿಸಿದೆ. ಎಚ್‌ಐವಿ, ವೈರಲ್‌ ಹೆಪಟೈಟಿಸ್‌ ಮತ್ತು ಲೈಂಗಿಕತೆಯ ಮೂಲಕ ಹರಡುವ ರೋಗಗಳಿಗೆ ಸುಮಾರು 25 ಲಕ್ಷ ಮಂದಿ ಬಲಿಯಾಗುತ್ತಿದ್ದಾರೆ ಎಂದು ಅದು ಹೇಳಿದೆ.

ಅಮೆರಿಕ ಮತ್ತು ಆಫ್ರಿಕಾದ ದೇಶಗಳಲ್ಲಿ “ಸಿಫಿಲಿಸ್‌’ (ಲೈಂಗಿಕತೆ ಮೂಲಕ ಹರಡುವ ರೋಗವಾಗಿದ್ದು, ಈ ಬ್ಯಾಕ್ಟೀರಿಯಾದಿಂದ ದೇಹದ ಎಲ್ಲ ಅಂಗಾಂಗ ನಾಶವಾಗುತ್ತವೆ) ಹೆಚ್ಚಿನ ಪ್ರಮಾಣದಲ್ಲಿ ಹರಡುತ್ತಿದ್ದು, ಇದಕ್ಕೆ 2030ರ ವೇಳೆಗೆ ಔಷಧ ಲಭ್ಯವಾಗಬಹುದು. ಅಲ್ಲಿಯವರೆಗೆ ದೇಶಗಳು ಮುನ್ನೆಚ್ಚರಿಕೆ ವಹಿಸಬೇಕು ಎಂದೂ ಹೇಳಿದೆ.