ಗೋವಾ ಸಿನಿಮೋತ್ಸವಕ್ಕೆ ಪಿಂಕಿ ಎಲ್ಲಿ? ಚಿತ್ರ ಆಯ್ಕೆ

ಗೋವಾ ಅಂತರರಾಷ್ಟ್ರೀಯ ಸಿನಿಮೋತ್ಸವ ಮುಂಬರುವ2021 ಜನವರಿ 16 ರಿಂದ ಆರಂಭವಾಗಲಿದೆ. ಭಾರತೀಯ ಪನೋರಮಾದಿಂದ ಸಿನಿಮೋತ್ಸವಕ್ಕೆ ಆಯ್ಕೆ ಆಗಿರುವ ಸಿನಿಮಾಗಳ ಪಟ್ಟಿಯನ್ನು ಇತ್ತೀಚೆಗೆಕೇಂದ್ರ ಮಾಹಿತಿ ಮತ್ತು ಪ್ರಸಾರ ಇಲಾಖೆ ಪ್ರಕಟಿಸಿದೆ.

ಇನ್ನು ಈ ಪಟ್ಟಿಯಲ್ಲಿಕನ್ನಡದ “ಪಿಂಕಿ ಎಲ್ಲಿ?’ ಚಿತ್ರವನ್ನು ಭಾರತೀಯ ಪನೋರಮಾ ವಿಭಾಗದಲ್ಲಿ ಆಯ್ಕೆ ಮಾಡಲಾಗಿದೆ. ಭಾರತೀಯ ಪನೋರಮಾ ವಿಭಾಗದ ಒಟ್ಟು23 ಸಿನಿಮಾಗಳು ಹಾಗೂ 20 ನಾನ್‌ ಫೀಚರ್‌ ಸಿನಿಮಾಗಳ ಪೈಕಿಕನ್ನಡದ “ಪಿಂಕಿ ಎಲ್ಲಿ?’ ಏಕೈಕ ಸಿನಿಮಾ ಈ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಳ್ಳಲು ಯಶಸ್ವಿಯಾಗಿದೆ.

ಪೃಥ್ವಿ ಕೋಣನೂರು ನಿರ್ದೇಶಿಸಿರುವ “ಪಿಂಕಿ ಎಲ್ಲಿ?’ ಚಿತ್ರವನ್ನು ಕೃಷ್ಣೇಗೌಡ ನಿರ್ಮಾಣ ಮಾಡಿದ್ದಾರೆ.