Advertisement
ಏನು ಪ್ರಯೋಜನ?ಫೋನನ್ನು ಮಂದ ಬೆಳಕಿನಲ್ಲಿ ಚಾಲೂ ಮಾಡಿದರೆ, ಕಣ್ಣುಗಳಿಗೆ ದಣಿವಾಗದು. ಅಕ್ಷರಗಳನ್ನು ಓದಲು, ಚಿತ್ರಗಳನ್ನು ನೋಡಲು ಶ್ರಮವಾಗದ ರೀತಿಯಲ್ಲಿ ಈ ಸವಲತ್ತನ್ನು ಅಭಿವೃದ್ಧಿಪಡಿಸಲಾಗಿದೆ. ಅಲ್ಲದೆ, ಕತ್ತಲ ಕೋಣೆಯಲ್ಲಿ ಯಾವುದೋ ಕಾರಣಕ್ಕೆ ಫೋನ್‌ ಸ್ಕ್ರೀನ್‌ ಆನ್‌ ಆದಾಗ ಝಗ್ಗನೆ ಕೋರೈಸುವ ಬೆಳಕು ಕೋಣೆಯನ್ನು ತುಂಬುವುದರಿಂದ ಮುಕ್ತಿ ಪಡೆಯಬಹುದು.
ಕೆಲವೊಂದು ಸಂದರ್ಭಗಳಲ್ಲಿ ಫೋನು ತನ್ನಷ್ಟಕ್ಕೇ ಡಾರ್ಕ್‌ ಮೋಡ್‌ಅನ್ನು ಅಳವಡಿಸಿಕೊಂಡಿರಬಹುದು. ಇಲ್ಲದೇ ಹೋದರೆ ಅದನ್ನು ಬಳಕೆದಾರ ಖುದ್ದಾಗಿ ಅಳವಡಿಸಿಕೊಳ್ಳಬೇಕಾಗುತ್ತದೆ. ಫೋನಿನ ಆಪರೇಟಿಂಗ್‌ ಸಿಸ್ಟಮ್‌, ಆಂಡ್ರಾಯ್ಡ 10 ಮತ್ತು ಐಫೋನುಗಳಲ್ಲಿ ಐಓಎಸ್‌13 ಇದ್ದರೆ ಸಿಸ್ಟಮ್‌ ಸೆಟ್ಟಿಂಗ್ಸ್‌ನಲ್ಲಿ ಹೋಗಿ “ಡಾರ್ಕ್‌ ಮೋಡ್‌’ಅನ್ನು ಸೆಲೆಕ್ಟ್ ಮಾಡಿಕೊಳ್ಳಬಹುದು. ಒಂದು ವೇಳೆ ಆಂಡ್ರಾಯ್ಡ ಫೋನುಗಳಲ್ಲಿ ಓಎಸ್‌ ಆಂಡ್ರಾಯ್ಡ 9ನೇ ಆವೃತ್ತಿ ಇದ್ದರೆ, ವಾಟ್ಸ್‌ ಆ್ಯಪ್‌ ಸೆಟ್ಟಿಂಗ್ಸ್‌ನಲ್ಲಿ, ಚಾಟ್ಸ್‌ ಆಯ್ಕೆ ಕ್ಲಿಕ್‌ ಮಾಡಬೇಕು. ಅಲ್ಲಿ “ಥೀಮ್‌’ ಅಂಬ ಆಯ್ಕೆ ಸೆಲೆಕ್ಟ್ ಮಾಡಿ. ಆಗ “ಡಾರ್ಕ್‌ ಮೋಡ್‌’ ಆಯ್ಕೆ ತೆರೆದುಕೊಳ್ಳುವುದು. ಫೋನು ಡಾರ್ಕ್‌ ಮೋಡ್‌ನ‌ಲ್ಲಿದೆ ಎನ್ನುವುದನ್ನು ತಿಳಿಯಲು ಸುಲಭ ವಿಧಾನವೆಂದರೆ ವಾಟ್ಸ್‌ ಆ್ಯಪ್‌ನ ಬಣ್ಣವನ್ನು ಗಮನಿಸುವುದು. ಡಾರ್ಕ್‌ ಮೋಡಿಗೆ ಬದಲಾಗಿದ್ದರೆ ಅದರ ಬಣ್ಣ ಕಪ್ಪು ಅಥವಾ ಗಾಢವಾದ ಬೂದು ಬಣ್ಣಕ್ಕೆ ತಿರುಗಿಕೊಂಡಿರುತ್ತದೆ.