ವಾಟ್ಸ್ಯಾಪ್ ಡಿಸ್ ಅಪಿಯರಿಂಗ್ ಚಾಟ್ಸ್ ಬಗ್ಗೆ ನಿಮಗೆ ತಿಳಿದಿದೆಯೇ..? ಇಲ್ಲಿದೆ ಮಾಹಿತಿ..!

ನವ ದೆಹಲಿ : ಸಾಮಾಜಿಕ ಜಾಲತಾಣಗಳ ದೈತ್ಯ ವಾಟ್ಸ್ಯಾಪ್ ನಿತ್ಯ ನಿರಂತರ ತನ್ನ ಬಳಕೆದಾರರಿಗೆ ಹೊಸತನ್ನು ನೀಡುತ್ತಲೇ ಇರುತ್ತದೆ. ಈಗ ತನ್ನ ಬಳಕೆದಾರರಿಗೆ ಮಗದೊಂದು ವಿಶೇಷತೆಯನ್ನು ನೀಡುತ್ತಿದ್ದು, ಆ ಬಗ್ಗೆ ತಿಳಿದುಕೊಳ್ಳುವ ಆಸಕ್ತಿ ನಿಮ್ಮಲ್ಲಿದ್ದರೇ, ಈ ಲೇಖನವನ್ನು ಓದಿ.

ಹೌದು, ವಾಟ್ಸ್ಯಾಪ್ ಡಿಸ್ ಅಪಿಯರಿಂಗ್ ಚಾಟ್ಸ್ ವಿಶೇಷತೆಯ ಮೇಲೆ ಕಾರ್ಯ ನಿರ್ವಹಿಸುತ್ತಿದೆ. ಈ ಮೋಡ್ ವಾಟ್ಸ್ಯಾಪ್ ನಲ್ಲಿ ಒನ್ ಆನ್ ಚಾಟ್ ಹಾಗೂ ಗ್ರೂಪ್ ಚಾಟ್ ಗಳಿಗೆ ಲಭ್ಯವಿರುತ್ತದೆ. ಈ ವಿಶೇಷತೆಯು ಈಗಾಗಲೇ ಅಸ್ತಿತ್ವದಲ್ಲಿರುವ ಡಿಸ್ ಅಪಿಯರಿಂಗ್ ಮೆಸೇಜ್ ವಿಶೇಷತೆಯ ವಿಸ್ತೃತ ರೂಪವಾಗಿದೆ.

ಇದನ್ನೂ ಓದಿ : ಕಳಪೆ ಕೀಟನಾಶಕ, ಬೀಜ ಮತ್ತು ರಸಗೊಬ್ಬರ ಮಾರಾಟ ಹಿನ್ನೆಲೆ :ಅಂಗಡಿಗಳ ಮೇಲೆ ಅಧಿಕಾರಿಗಳ ದಾಳಿ

ವಾಟ್ಸ್ಯಾಪ್ ಈ ನಿಯಮವನ್ನು ಅತಿ ಶೀಘ್ರದಲ್ಲಿ ಬಳಕೆದಾರರಿಗೆ ಬಳಕೆಗೆ ಸಿಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಫೇಸ್‌ ಬುಕ್  ಸಿಇಒ ಮಾರ್ಕ್ ಜುಕರ್‌ ಬರ್ಗ್ ಮತ್ತು ವಾಟ್ಸಾಪ್ ಮುಖ್ಯಸ್ಥ ವಿಲ್ ಕ್ಯಾಥ್‌ ಕಾರ್ಟ್ ಇಬ್ಬರೂ ಈ ಫೀಚರ್ ಅಥವಾ ವಿಶೇಷತೆ ಶೀಘ್ರದಲ್ಲೇ ಪ್ಲ್ಯಾಟ್ ಫಾರಂ ನಲ್ಲಿ ಲಭ್ಯವಾಗುವ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

ವಾಟ್ಸ್ಯಾಪ್  ಬಳಕೆದಾರರಿಗೆ ನೀಡುತ್ತಿರುವ ಈ ಡಿಸ್ ಅಪಿಯರಿಂಗ್ ಚಾಟ್ ವಿಶೇಷತೆಯು  “ಹೊಸ ಚಾಟ್ ಥ್ರೆಡ್‌ ಗಳನ್ನು ಸ್ವಯಂಚಾಲಿತವಾಗಿ ಅಲ್ಪಾವಧಿಯ ಚಾಟ್‌ ಗಳಾಗಿ ಪರಿವರ್ತಿಸುತ್ತದೆ.” ನೀವು ಅದನ್ನು ಸಕ್ರಿಯಗೊಳಿಸಿದಾಗ ಅದನ್ನು ಗೌಪ್ಯತೆ ಸೆಟ್ಟಿಂಗ್‌ ಗಳಲ್ಲಿ ಕಾಣಬಹುದು. ಪ್ರತಿ ಹೊಸ ಚಾಟ್ ಅಥವಾ ಗುಂಪಿನಲ್ಲಿರುವ ಎಲ್ಲಾ ಸಂದೇಶಗಳು ಅಲ್ಪಾವಧಿಯ ನಂತರ ಇಲ್ಲದಾಗುತ್ತದೆ.

ಯಾರಾದರೂ ತಮ್ಮ ಸಂದೇಶಗಳನ್ನು ಡಿಲೀಟ್ ಮಾಡಲು ಬಯಸಿದರೆ, ಅವರು  ಡಿಸ್ ಅಪಿಯರಿಂಗ್ ಚಾಟ್ ವಿಶೇಷತೆಯನ್ನು ಆಫ್ ಮಾಡಬೇಕಾಗುತ್ತದೆ. ಮೂಲಗಳ ಪ್ರಕಾರ, ಹೊಸ ಚಾಟ್‌ನಲ್ಲಿ ಡಿಸ್ ಅಪಿಯರಿಂಗ್ ಚಾಟ್ ಮೋಡ್  ಆನ್ ಆದಾಗ  ವಾಟ್ಸ್ಯಾಪ್ ಬಳಕೆದಾರರಿಗೆ ತಿಳಿಸುತ್ತದೆ.

ಇನ್ನು, ವಾಟ್ಸ್ಯಾಪ್ ಪ್ರಸ್ತುತ ಡಿಸ್ ಅಪಿಯರಿಂಗ್ ಹಾಗೂ ವೀವ್ ವನ್ಸ್ ಫೀಚರ್ ನನ್ನು ಸಹ ಒಳಗೊಂಡಿದೆ.  ವೀವ್ ವನ್ಸ್ ವಿಶೇಷತೆಯು ಫೋಟೋ ಕಳುಹಿಸುವ ಅವಕಾಶವನ್ನು ನೀಡುತ್ತದೆ. ರಿಸೀವರ್ ಅದನ್ನು ಓಪನ್ ಮಾಡಿ ಮತ್ತೆ ವಾಟ್ಸ್ಯಾಪ್ ಕ್ಲೋಸ್ ಮಾಡಿದರೆ ಆ ಫೋಟೋ ಕಾಣಿಸುವುದಿಲ್ಲ. ಆದರೆ, ಪ್ರತಿ ಬಾರಿ ಫೋಟೋ ಅಥವಾ ವೀಡಿಯೋ ಕಳುಹಿಸುವಾಗಲೆಲ್ಲಾ ವೀವ್ ವನ್ಸ್ ಮಿಡಿಯಾವನ್ನು ಆಯ್ಕೆ ಮಾಡಬೇಕಾಗುತ್ತದೆ.

ಇದನ್ನೂ ಓದಿ :  ವಿಧಾನಸಭಾ ಚುನಾವಣಾ ಪೂರ್ವ ಸಿದ್ಧತೆ ಹಿನ್ನೆಲೆ: ಪ್ರಫುಲ್ ಪಟೇಲ್ ಗೋವಾ ಭೇಟಿ