ಟ್ಯಾಬ್‌ನಲ್ಲಿ ವಾಟ್ಸ್‌ಆ್ಯಪ್‌2 ಪ್ಯಾನೆಲ್‌ ಫೇಸ್‌ ಶೀಘ್ರ

ನವದೆಹಲಿ:ಮೆಸೇಜಿಂಗ್‌ ಪ್ಲಾಟ್‌ಫಾರ್ಮ್ ವಾಟ್ಸ್‌ಆ್ಯಪ್‌ ತನ್ನ ಸೇವಾ ಚಟುವಟಿಕೆ ನವೀಕೃತಗೊಳಿಸುತ್ತಿದ್ದು, ಆ್ಯಂಡ್ರಾಯ್ಡ ಟ್ಯಾಬ್ಲೆಟ್‌ ಬಳಕೆದಾರರಿಗೆ 2 ಪ್ಯಾನೆಲ್‌ ಇಂಟರ್‌ಫೇಸ್‌ ಸೇವೆಯನ್ನು ಒದಗಿಸಲು ಸಜ್ಜಾಗಿದೆ.

ಈ ವರೆಗೆ ವಾಟ್ಸ್‌ಆ್ಯಪ್‌ನಲ್ಲಿ ಕಾಂಟ್ಯಾಕ್ಟ್,ಚಾಟ್‌ ಹಾಗೂ ಸ್ಟೇಟಸ್‌ ಎನ್ನುವ ಮೂರು ವಿಭಾಗವಿದ್ದವು. ಚಾಟ್ಸ್‌ ಫೇಸ್‌ನಲ್ಲಿ ಇರುವಾಗಲೇ ಕಾಂಟ್ಯಾಕ್ಟ್ಗಳನ್ನು ನೋಡಲು ಸಾಧ್ಯವಾಗುತ್ತಿರಲಿಲ್ಲ.

ಬ್ಯಾಕ್‌ಬಟನ್‌ ಮೂಲಕ ಮತ್ತೆ ಕಾಂಟ್ಯಾಕ್ಟ್ ಫೇಸ್‌ಗೆ ಹಿಂದಿರುಗಬಹುದಾಗಿತ್ತು. ಆದರೆ,ಇನ್ನು ಮುಂದೆ ಆ್ಯಂಡ್ರಾಯ್ಡ ಟ್ಯಾಬ್‌ಗಳಲ್ಲಿ 2 ಫೇಸ್‌ ಅಂದರೆ, ವಾಟ್ಸ್‌ಆ್ಯಪ್‌ ಓಪನ್‌ ಮಾಡಿದಾಗ ಡಿಸ್‌ಪ್ಲೇನ ಅರ್ಧಭಾಗದಲ್ಲಿ ಚಾಟ್‌ಫೇಸ್‌ ಮತ್ತರ್ಧದಲ್ಲಿ ಕಾಂಟ್ಯಾಕ್ಟ್ ತೋರುವಂತೆ ಏಕಕಾಲದಲ್ಲಿ 2 ಪ್ಯಾನೆಲ್‌ ಕಾರ್ಯನಿರ್ವಹಿಸಲು ಸಾಹಯವಾಗುವಂತೆ ಅಭಿವೃದ್ಧಿ ಪಡಿಸಲಾಗುತ್ತಿದೆ ಎಂದು ಸಂಸ್ಥೆ ಹೇಳಿದೆ.