Whatsapp; 74 ಲಕ್ಷ ಖಾತೆಗಳಿಗೆ ನಿರ್ಬಂಧ

ಹೊಸದಿಲ್ಲಿ: ಖ್ಯಾತ ಮೆಸೆಜಿಂಗ್‌ ಪ್ಲಾಟ್‌ಫಾರ್ಮ್ ವಾಟ್ಸ್‌ಆ್ಯಪ್‌ ಭಾರತದಲ್ಲಿ 74 .2 ಲಕ್ಷ ಖಾತೆಗಳಿಗೆ ನಿರ್ಬಂಧ ಹೇರಿದೆ. ಆಗಸ್ಟ್‌ನಲ್ಲಿ ಇಷ್ಟೂ ಖಾತೆಗಳನ್ನು ನಿಷ್ಕ್ರಿಯ ಗೊಳಿಸಲಾಗಿದ್ದು, ಅದರ ಹಿಂದಿನ ತಿಂಗಳು ಅಂದರೆ ಜುಲೈಯಲ್ಲಿ ನಿರ್ಬಂಧಿಸಿದ ಖಾತೆಗಳಿಗಿಂತಲೂ 2 ಲಕ್ಷ ಹೆಚ್ಚುವರಿ ಖಾತೆಯನ್ನು ನಿರ್ಬಂಧಿಸಿದೆ. ಬಳಕೆದಾರರ ಭದ್ರತೆ ಹಾಗೂ ವಾಟ್ಸ್‌ಆ್ಯಪ್‌ ಮೂಲಕ ಬಳಕೆದಾರರಿಗೆ ಎದುರಾಗುವ ಭದ್ರತಾ ಸವಾಲು, ಕುಂದುಕೊರತೆಗಳನ್ನು ಪರಿಹರಿಸುವ ನಿಟ್ಟಿನಲ್ಲಿ ರಿಪೋರ್ಟ್‌ ಆದಂಥ ಖಾತೆಗಳನ್ನು ವಾಟ್ಸ್‌ಆ್ಯಪ್‌ ನಿರ್ಬಂಧಿಸುತ್ತದೆ.