ಫಾಹದ್‌ ಫಾಸಿಲ್‌ ಜೊತೆ ʼದೃಶ್ಯಂʼ ನಿರ್ದೇಶಕನ ಸಿನಿಮಾ:‌ ಸುದ್ದಿ ಕೇಳಿ ಥ್ರಿಲ್‌ ಆದ ಫ್ಯಾನ್ಸ್

ಕೊಚ್ಚಿ: ಇತ್ತೀಚೆಗಷ್ಟೇ ʼಆವೇಶಮ್‌ʼ ಮೂಲಕ ಮತ್ತೊಮ್ಮೆ ತನ್ನ  ನಟನೆಯಿಂದ ಮಿಂಚಿದ ಫಾಹದ್‌ ಫಾಸಿಲ್‌ ಖ್ಯಾತ ನಿರ್ದೇಶಕನೊಂದಿಗೆ ಮತ್ತೊಂದು ಸಿನಿಮಾವನ್ನು ಮಾಡಲಿದ್ದಾರೆ.

ಮಾಲಿವುಡ್‌ ಸ್ಟಾರ್‌ ನಟ ಫಾಹದ್‌ ಅವರ ಅಭಿನಯಕ್ಕೆ ಅಪಾರ ಅಭಿಮಾನಿಗಳಿದ್ದಾರೆ. ಕಾಲಿವುಡ್‌ನಲ್ಲೂ ಮಿಂಚಿರುವ ಅವರು ಇತ್ತೀಚೆಗೆ ʼಆವೇಶಮ್‌ʼನಿಂದ ಮಿಂಚಿದ್ದಾರೆ. ಸಿನಿಮಾದ ಸಕ್ಸಸ್‌ ಖುಷಿಯಲ್ಲಿರುವ ಫಾಫಾ ಇದೀಗ ಹೊಸ ಸಿನಿಮಾವನ್ನು ಅನೌನ್ಸ್‌ ಮಾಡಿದ್ದಾರೆ.

ಸೂಪರ್‌ ಸ್ಟಾರ್‌ ಮೋಹನ್‌ ಲಾಲ್‌ ಅವರು ಕಾಣಿಸಿಕೊಂಡ ʼದೃಶ್ಯಂʼ ಮಾಲಿವುಡ್‌ ದೊಡ್ಡ ಹಿಟ್‌ ಆಗಿರುವುದು ಗೊತ್ತೇ ಇದೆ. ಈ ಸಿನಿಮಾವನ್ನು ನೀಡಿದ ಜೀತು ಜೋಸೆಫ್ ಅವರೊಂದಿಗೆ ಫಾಹದ್‌ ಸಿನಿಮಾವನ್ನು ಮಾಡಲಿದ್ದಾರೆ.

ನಿರ್ದೇಶಕ ಜೀತು ಜೋಸೆಫ್ ಅವರೊಂದಿಗಿರುವ ಫೋಟೋವನ್ನು ಹಂಚಿಕೊಳ್ಳಲಾಗಿದ್ದು, ಆ ಮೂಲಕ ಹೊಸ ಸಿನಿಮಾವನ್ನು ಅನೌನ್ಸ್‌ ಮಾಡಲಾಗಿದೆ.

ಮೋಹನ್‌ಲಾಲ್ ಅಭಿನಯದ ʼನೆರೂʼ ಚಿತ್ರದ ಚಿತ್ರಕಥೆಗಾರ್ತಿ ಸಂತಿ ಮಾಯಾದೇವಿ ಈ ಚಿತ್ರವನ್ನು ಬರೆಯಲಿದ್ದಾರೆ.

E4 ಎಂಟರ್‌ಟೈನ್‌ಮೆಂಟ್ ಈ ಯೋಜನೆಗೆ ಬಂಡವಾಳ ಹೂಡುತ್ತಿದೆ. ಮೊದಲ ಬಾರಿಗೆ ಜೀತು ಜೋಸೆಫ್- ಫಾಹದ್ ಫಾಸಿಲ್ ಸಿನಿಮಾ ಮಾಡುತ್ತಿದ್ದು, ಈ ಸಿನಿಮಾದ ಬಗ್ಗೆ ಈಗಿನಿಂದಲೇ ಕುತೂಹಲ ಹೆಚ್ಚಾಗಿದೆ.

ಜೀತು ಜೋಸೆಫ್‌ ಇತ್ತೀಚೆಗೆ ಮೋಹನ್‌ ಲಾಲ್‌ ಅವರೊಂದಿಗೆ ʼನೆರೊʼ ಎನ್ನುವ ಸಿನಿಮಾವನ್ನು ಮಾಡಿದ್ದರು. ಈ ಸಿನಿಮಾ ಬಿಗ್‌ ಹಿಟ್‌ ಆಗಿತ್ತು. ಜೀತು – ಮೋಹನ್‌ ಲಾಲ್‌ ಅವರ ʼರಾಮ್‌ʼ ಸಿನಿಮಾದ ಬಗ್ಗೆ ಕಳೆದ ಕೆಲ ವರ್ಷಗಳಿಂದ ಚರ್ಚೆ ಆಗುತ್ತಿದೆ. ಆದರೆ ಇದುವರೆಗೆ ಸಿನಿಮಾ ಸೆಟ್ಟೇರಿಲ್ಲ.

ಫಾಹದ್‌ ಫಾಸಿಲ್‌ ಸದ್ಯ ʼವೆಟ್ಟೈಯಾನ್ʼ ಮತ್ತು ʼಪುಷ್ಪ- 2ʼ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.