ಸೈಕಲ್‌ ಯಾತ್ರೆ ಕೈಗೊಂಡಿರುವ ಪ್ರಸಾದ್‌ ಶೆಟ್ಟಿಗೆ ಸ್ವಾಗತ

ಪುಣೆ: ಕ್ಲೀನ್‌  ಇಂಡಿಯಾ ಗ್ರೀನ್‌ ಇಂಡಿಯಾ ಅಭಿಯಾನದ ಪ್ರಚಾರಕ್ಕಾಗಿ ಜಮ್ಮು ಕಾಶ್ಮೀರದಿಂದ ಕನ್ಯಾಕುಮಾರಿಗೆ ಸೋಲೋ ಸೈಕಲ್‌ ರೈಡಿಂಗ್‌ ಯಾತ್ರೆ ಕೈಗೊಂಡಿರುವ ಕಾರ್ಕಳ ನೆಲ್ಲಿಕಾರು ಗ್ರಾಮದ ಪ್ರಸಾದ್‌ ವಿ. ಶೆಟ್ಟಿ ಅವರು ಫೆ. 9ರಂದು ಪುಣೆಗೆ ತಲುಪಿದ್ದು, ಅವರನ್ನು ಪುಣೆ ತುಳುಕೂಟದ ವತಿಯಿಂದ ಆತ್ಮೀಯವಾಗಿ ಸ್ವಾಗತಿಸಿ ಸತ್ಕರಿಸಿ ಶುಭ ಹಾರೈಸಲಾಯಿತು.

ವಾರ್ಜೆಯಲ್ಲಿರುವ ಪುಣೆ ತುಳುಕೂಟದ ಕಚೇರಿ ಆವರಣದಲ್ಲಿ  ಪ್ರಸಾದ್‌ ಶೆಟ್ಟಿ ಅವರನ್ನು ಸ್ವಾಗತಿಸಿ ತುಳುಕೂಟದ ಅಧ್ಯಕ್ಷ ತಾರಾನಾಥ ರೈ ಮೇಗಿನಗುತ್ತು ಶಾಲು ಹೊದೆಸಿ ಪುಷ್ಪಗುತ್ಛ ನೆನಪಿನ ಕಾಣಿಕೆ ನೀಡಿ ಸತ್ಕರಿಸಿ ಶುಭ ಹಾರೈಸಿದರು. ಈ ಸಂದರ್ಭ ಯಕ್ಷಗಾನ ನಾಟ್ಯಗುರು ಮದಂಗಲ್ಲು ಆನಂದ ಭಟ್‌, ಪುಣೆ ತುಳುಕೂಟದ ಪದಾಧಿಕಾರಿಗಳಾದ ಸಂತೋಷ್‌ ಶೆಟ್ಟಿ  ಎಣ್ಣೆಹೊಳೆ, ಯಶವಂತ್‌ ಶೆಟ್ಟಿ ತಾಮರು, ದಿವಾಕರ ಶೆಟ್ಟಿ ಮಾಣಿಬೆಟ್ಟು ಹಾಗೂ ಸದಸ್ಯರುಗಳಾದ ನಿತಿನ್‌ ಶೆಟ್ಟಿ ಪಂಜ, ಪ್ರಶಾಂತ್‌ ಶೆಟ್ಟಿ ನೆಲ್ಲಿಕಟ್ಟೆ, ಸುನೀಲ್‌ ಶೆಟ್ಟಿ ಸೂಡಾ, ರಂಜಿತ್‌ ಶೆಟ್ಟಿ ಪಡªಣಗುತ್ತು ಮತ್ತಿತರರಿದ್ದರು.

 ಚಿತ್ರ: ಕಿರಣ್‌ ಬಿ. ರೈ ಕರ್ನೂರು