ಅಭಿಮಾನಿಗಳಿಂದ “ಮೋದಿ ಸ್ಟೋರಿ’ಹೆಸರಿನಲ್ಲಿ ಮೋದಿಗಾಗಿ ಹೊಸ ವೆಬ್‌ಸೈಟ್‌

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಅಭಿಮಾನಿಗಳ ತಂಡವೊಂದು “ಮೋದಿ ಸ್ಟೋರಿ’ ಹೆಸರಿನಲ್ಲಿ ಹೊಸದೊಂದು ವೆಬ್‌ಸೈಟ್‌ ಆರಂಭಿಸಿದೆ. modistory.in ಎಂಬ ಹೆಸರಿನಲ್ಲಿರುವ ವೆಬ್‌ಸೈಟ್‌ನಲ್ಲಿ ಮೋದಿಯವರ ಬಗ್ಗೆ ನಿಮಗೆ ಗೊತ್ತಿಲ್ಲದ ಅನೇಕ ಕಥೆಗಳನ್ನು ಹಂಚಿಕೊಳ್ಳುವುದಾಗಿ ತಿಳಿಸಿದ್ದಾರೆ.

ಪ್ರಧಾನಿಯವರ ಬಹಿರಂಗವಾಗದ ಕಥೆಗಳನ್ನು ಹಂಚಿಕೊಳ್ಳುವುದರ ಜೊತೆ, ಮೋದಿಯವರನ್ನು ತೀರಾ ಹತ್ತಿರದಿಂದ ಬಲ್ಲವರಿಗೂ ಅದರಲ್ಲಿ ಅವರ ಅನುಭವಗಳನ್ನು ಹಂಚಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ. ಮೋದಿಯವರ ಜೊತೆ ಪ್ರಯಾಣ ಮಾಡಿದವರು, ಔತಣ ಕೂಟಗಳಲ್ಲಿ ಭಾಗವಹಿಸಿದರು ಹೀಗೆ ವಿವಿಧ ಕಡೆಗಳಲ್ಲಿ ಅವರನ್ನು ಭೇಟಿ ಮಾಡಿದವರು ತಮ್ಮ ಅನುಭವಗಳನ್ನು ವೆಬ್‌ಸೈಟ್‌ನಲ್ಲಿ ಹಂಚಿಕೊಳ್ಳಬಹುದು.

ಈ ವೆಬ್‌ಸೈಟ್‌ ಬಗ್ಗೆ ಕೇಂದ್ರದ ಹಲವು ಸಚಿವರು ಟ್ವೀಟ್‌ ಮಾಡಿದ್ದಾರೆ. ಕೇಂದ್ರ ಸಚಿವೆ ಸ್ಮತಿ ಇರಾನಿ ಅವರು “ಸೌಹಾರ್ದತೆಯ ವ್ಯಕ್ತಿತ್ವ ಪ್ರತಿಬಿಂಬಿಸುವ ಸಭೆಗಳು, ಭೇಟಿಗಳಲ್ಲಿ ಸಿಕ್ಕ ನೆನಪುಗಳು, ಇದುವರೆಗೆ ಕಾಣದವು ಮತ್ತು ಕೇಳಿರದವು.. ಇನ್ನು ಮುಂದೆ ಈ ವೆಬ್‌ಸೈಟ್‌ನಲ್ಲಿ ಕಾಣಸಿಗಲಿವೆ’ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:ಪರಿವೀಕ್ಷಕರನ್ನು ಕಪ್ಪುಪಟ್ಟಿಗೆ ಸೇರಿಸಲು ಇದು ಸಕಾಲ: ಹೈಕೋರ್ಟ್‌