Siddapura ವಾರಾಹಿಯಲ್ಲಿ ನೀರಿನ ಕೊರತೆ

ಸಿದ್ದಾಪುರ: ವಾರಾಹಿ ನದಿಯಲ್ಲಿ ನೀರಿನ ಕೊರತೆಯ ಹಿನ್ನೆಲೆಯಲ್ಲಿ ನದಿಗೆ ಹೊಳೆಶಂಕರನಾರಾಯಣ ಬಳಿ ನಿರ್ಮಿಸಿದ ವಾರಾಹಿ ಡ್ಯಾಂನ ಹಿನ್ನೀರಿನಿಂದ ಸದಾ ಮುಳುಗಡೆಯಾಗುತ್ತಿದ್ದ ಮಚ್ಚಟ್ಟು ಗ್ರಾಮದ ತೊಂಬಟ್ಟು ಸಮೀಪದ ಹೊಳೆಬಾಗಿಲು ಪ್ರದೇಶ ಸದ್ಯ ಬಣಗುಟ್ಟುತ್ತಿದ್ದು ಮುಳುಗಿರುವ ಸೇತುವೆ ಮತ್ತು ಮರಮಟ್ಟುಗಳು ಕಾಣುತ್ತಿವೆ.

ಮುಳುಗಡೆ ಪ್ರದೇಶದಲ್ಲಿ ಹೊಸ ಸೇತುವೆಯು 2008-09ನೇ ಸಾಲಿನಲ್ಲಿ ನಿರ್ಮಿಸಿ, ಮಚ್ಚಟ್ಟು- ತೊಂಬಟ್ಟುಗೆ ಸಂಪರ್ಕ ಕಲ್ಪಿಸಲಾಗಿತ್ತು.

ವಾರಾಹಿ ನದಿಯಲ್ಲಿ ನೀರು ಕಡಿಮೆಯಾದಾಗಲೆಲ್ಲ ಮುಳುಗಡೆ ಪ್ರದೇಶದ ಅವಶೇಷಗಳು ಕಾಣುತ್ತವೆ. ಈ ಬಾರಿ ಮಾತ್ರ ವಾರಾಹಿ ನದಿಯಲ್ಲಿ ನೀರಿನ ಮಟ್ಟ ತೀರಾ ಕಡಿಮೆ ಇರುವುದರಿಂದ ಮುಳುಗಡೆ ಪ್ರದೇಶದಲ್ಲಿ ಅತೀ ಹೆಚ್ಚು ಅವಶೇಷಗಳು ಕಾಣುತ್ತಿವೆ ಎಂದು ಸ್ಥಳೀಯ ನಿವಾಸಿ ಗಣೇಶ ಶೆಟ್ಟಿ ತೊಂಬಟ್ಟು ಅವರು ಹೇಳಿದ್ದಾರೆ.