Siddapur: ಮುಳ್ಳು ಹಂದಿ ಮಾಂಸ ವಶಕ್ಕೆ; ಕೇಸು

ಸಿದ್ದಾಪುರ: ಅಂಪಾರು ಗ್ರಾಮದ ಮೂಡುಬಗೆ ಎಂಬಲ್ಲಿ ಬಸವ ಅವರ ಮನೆಯೊಳಗೆ ಮುಳ್ಳುಹಂದಿ ಮಾಂಸ ಫ್ರಿಡ್ಜ್ ನ ಒಳಗಡೆ ಇಟ್ಟಿದ್ದನ್ನು ಅರಣ್ಯ ಇಲಾಖೆಯವರು ಪತ್ತೆ ಹಚ್ಚಿದ್ದಾರೆ.

ವಿಚಾರಿಸಿದಾಗ ಅಂಪಾರು ಗ್ರಾಮದ ಗೌಂಜಿ ಎಂಬಲ್ಲಿನ ಅಬ್ಬು ಅಹಮ್ಮದ್‌ ಅವರೊಂದಿಗೆ ಸೇರಿ ಬಸವ ಅವರ ಪರವಾನಿಗೆ ಹೊಂದಿದ ಬಂದೂಕಿನ ಮೂಲಕ ಮುಳ್ಳುಹಂದಿ ಹತ್ಯೆಗೈದು ಮಾಂಸ ತಯಾರಿಸಿ ಫ್ರಿಡ್ಜ್ನಲ್ಲಿ ಇಟ್ಟಿದ್ದಾಗಿ ಒಪ್ಪಿಕೊಂಡಿದ್ದಾರೆ.

ಆರೋಪಿಗಳ ವಿರುದ್ಧ ವನ್ಯಜೀವಿ ಸಂರಕ್ಷಣಾ ಕಾಯಿದೆ, ಶಸ್ತ್ರಾಸ್ತ್ರ ಕಾಯಿದೆ ಅಡಿಯಲ್ಲಿ ಕಾನೂನು ಕ್ರಮ ಜರುಗಿಸಲು ಕೋರಿ ನ್ಯಾಯಾಲಯದ ಆದೇಶದಂತೆ ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಅರಣ್ಯ ಇಲಾಖೆಯವರು ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.